Latest NewsNewsGulfOman

കോവിഡ് : ഒമാനിൽ എട്ടു പേർ കൂടി മരിച്ചു : പ്രവാസികൾ ഉൾപ്പെടെ പുതുതായി രോഗം സ്ഥിരീകരിച്ചവരുടെ എണ്ണം ഉയർന്നു തന്നെ

മസ്‌ക്കറ്റ് : ഒമാനിൽ കോവിഡ് ബാധിച്ച് എട്ടു പേർ ബുധനാഴ്ച മരിച്ചു. 738 പേർക്ക് കൂടി രോഗം സ്ഥിരീകരിച്ചു, ഇതിൽ 414 പേർ പ്രവാസികളാണ്​. ഇതോടെ ​രാജ്യത്ത് കോവിഡ് ബാധിച്ച് മരിച്ചവരുടെ എണ്ണം 67ഉം, രോഗം ബാധിച്ചവരുടെ എണ്ണം 13538ഉം ആയതായി ഒമാൻ ആരോഗ്യമന്ത്രാലയം അറിയിച്ചു. രോഗം മുക്തി നേടിയവരുടെ എണ്ണം 2845ലെത്തി. 10626 പേരാണ്​ നിലവിൽ ചികിത്സയിലുള്ളത്​. പുതിയ രോഗികളിൽ 528 പേരും മസ്​കത്ത്​ ഗവർണറേറ്റിൽ നിന്നുള്ളവരാണ്. മരണപ്പെട്ടവരിൽ മൂന്ന് പേർ മലയാളികളാണ്.

സൗദിയിൽ കോവിഡ് ബാധിച്ച് ബുധനാഴ്ച 30പേർ കൂടി മരിച്ചു. 2171 പേർക്ക് കൂടി കോവിഡ് സ്ഥിരീകരിച്ചു. ഇതോടെ രാജ്യത്ത് കോവിഡ് ബാധിച്ച് മരിച്ചവരുടെ എണ്ണം 579ഉം, രോഗം സ്ഥിരീകരിച്ചവരുടെ എണ്ണം 91182ഉം ആയതായി അധികൃതർ അറിയിച്ചു. 2171 പേർ കൂടി സുഖം പ്രാപിച്ചതോടെ രോഗമുക്തി നേടിയവർ 68159 ആയി ഉയർന്നു. നിലവിൽ 22444 പേരാണ് ചികിത്സയിൽഉള്ളത്. 870963 കോവിഡ് ടെസ്റ്റുകൾ പൂർത്തിയാക്കിയതായും, 171 പ്രദേശങ്ങളിൽ രാജ്യത്ത് വൈറസ് ബാധ പടർന്നിട്ടുണ്ടെന്നും അധഃകൃതർ വ്യക്തമാക്കി.

Also read : ചൈന-യുഎസ് ശീതയുദ്ധം രൂക്ഷമാകുന്നു : ചൈനയില്‍ നിന്നുള്ള വിമാനസര്‍വീസുകള്‍ക്ക് വിലക്ക് ഏര്‍പ്പെടുത്താന്‍ യു.എസ്

ഖത്തറിൽ കോവിഡ് ആശങ്ക ഒഴിയുന്നില്ല. രണ്ടു പേർ കൂടി ബുധനാഴ്ച്ച മരിച്ചു. 8 ഉം 53 ഉം വയസുള്ളവരാണ് മരണമടഞ്ഞത്. കഴിഞ്ഞ 24 മണിക്കൂറിനിടെ 5,339 പേരില്‍ നടത്തിയ പരിശോധനയിൽ 1,901 പേര്‍ക്ക് കൂടി രോഗം സ്ഥിരീകരിച്ചു.ഇതോടെ രാജ്യത്ത് കോവിഡ് ബാധിച്ച് മരിച്ചവരുടെ എണ്ണം 45ഉം, രോഗം സ്ഥിരീകരിച്ചവർ 62,160ഉം ആയി. 1,506 പേര്‍ കൂടി സുഖം പ്രാപിച്ചതോടെ. രോഗ മുക്തി നേടിയവരുടെ എണ്ണം 36,036ആയി ഉയർന്നു.നിലവിൽ 24,573പേരാണ് ചികിത്സയിലുള്ളത്. ഇതിൽ 237പേർ തീവ്രപരിചരണ വിഭാഗത്തിലാണ്. ഇതുവരെ 2,36,437 പേരെ കോവിഡ് പരിശോധനയ്ക്ക് വിധേയരാക്കി.

കുവൈറ്റിൽ 143 ഇന്ത്യക്കാർ ഉൾപ്പെടെ 710 പേർക്ക്​ കൂടി  ബുധനാഴ്ച്ച കോവിഡ് സ്ഥിരീകരിച്ചു. നാല് മരണം. ഇതോടെ രാജ്യത്ത് കോവിഡ് സ്ഥിരീകരിച്ചവരുടെ എണ്ണം 29,359ഉം, മരിച്ചവർ 230 ഉം ആയി. 1469 പേർ കൂടി സുഖം പ്രാപിച്ചതോടെ രോഗ മുക്തി നേടിയവരുടെ എണ്ണം ​15,750 ആയി ഉയർന്നു. നിലവിൽ 13,379 പേർ ചികിത്സയിലുണ്ട്. . ഇതിൽ 191 പേർ തീവ്രപരിചരണ വിഭാഗത്തിലാണ്​. ഫർവാനിയ ഗവർണറേറ്റിൽ 282, ജഹ്​റ ഗവർണറേറ്റിൽ 140, അഹ്​മദി ഗവർണറേറ്റിൽ 130, ഹവല്ലി ഗവർണറേറ്റിൽ 88, കാപിറ്റൽ ഗവർണറേറ്റിൽ 70 എന്നിങ്ങനെയാണ്​ പുതിയ കോവിഡ് ബാധിതരുടെ എണ്ണം.

Tags

Related Articles

Post Your Comments


Back to top button
Close
Close