പാലക്കാട്: ഗർഭിണിയായ കാട്ടാന ചരിഞ്ഞ സംഭവത്തിൽ സ്ഫോടക വസ്തു വെച്ചത് പൈനാപ്പിളിലല്ല തേങ്ങയിലാണെന്ന് പിടിയിലായ കേസിൽ പിടിയിലായ വില്‍സന്‍ മൊഴി നൽകി. ടാപ്പിംഗ് തൊഴിലാളിയും പാട്ടകര്‍ഷകനുമാണ് വില്‍സന്‍. പടക്കം തയാറാക്കിയ മറ്റു രണ്ടു പേര്‍ക്കു കൂടി കേസില്‍ പങ്കുണ്ടെന്നു തെളിഞ്ഞതിനാല്‍ ഇവര്‍ക്കായി അന്വേഷണം തുടരുകയാണ്.
പൈനാപ്പിളിൽ നിറച്ച സ്‌ഫോടകവസ്‌തു പൊട്ടിത്തെറിച്ചാണ് ആനയ്ക്ക് പരിക്കേറ്റതെന്നാണ് കരുതിയിരുന്നത്. വായുടെ ഒരു ഭാഗവും നാവും ചിതറിപ്പോയിരുന്നു. വ്രണങ്ങളില്‍ പുഴുവും ഈച്ചയുമായതോടെ നദിയിലിറങ്ങി വായ് വെള്ളത്തില്‍ താഴ്ത്തി നിൽക്കുകയായിരുന്നു ആന. അവശനിലയിലായ ആനയെ രക്ഷിക്കാന്‍ വനംവകുപ്പ് രക്ഷാപ്രവര്‍ത്തനം നടത്തിയെങ്കിലും ആന നിന്ന നിൽപ്പിൽ ചരിയുകയായിരുന്നു.
Post Your Comments