Latest NewsNewsIndia

സുഖോയ് 30, മിറാഷ് 2000, ജാഗ്വർ എന്നിങ്ങനെ മുന്തിയ യുദ്ധവിമാനങ്ങൾ അതിർത്തിയിൽ: ചൈനയ്ക്കെതിരെ ശക്തമായ നീക്കങ്ങളുമായി ഇന്ത്യ

ചൈനയ്ക്കെതിരെ ശക്തമായ നീക്കങ്ങളുമായി ഇന്ത്യ. സുഖോയ്–30 എംകെഐ, മിറാഷ് 2000, ജാഗ്വർ യുദ്ധവിമാനം തുടങ്ങി ഇന്ത്യയുടെ മുന്തിയ യുദ്ധവിമാനങ്ങൾ നിയന്ത്രണരേഖയ്ക്ക് സമീപം വിന്യസിച്ചു. അമേരിക്കൻ അപ്പാഷെ അറ്റാക്ക് ഹെലിക്കോപ്റ്ററുകളും ഇക്കൂട്ടത്തിലുണ്ട്. അത്യാവശ്യ ഘട്ടങ്ങളിൽ സൈനികരെ ഇവിടേക്ക് എത്തിക്കുന്നതിനായി ലേ വ്യോമത്താവളത്തിലും അതോടു ചേർന്നും ചിനൂക്ക് ഹെലിക്കോപ്റ്ററുകള്‍ വിന്യസിച്ചിട്ടുണ്ട്. ഏറ്റവും ചുരുങ്ങിയ സമയത്തിനുള്ളിൽ നിർദേശം ലഭിച്ചാല്‍പോലും ആക്രമണം നടത്തുന്നതിനുള്ള നീക്കങ്ങളാണ് നടക്കുന്നത്.

Read also: വിവാഹം കഴിക്കാന്‍ തീരുമാനിച്ചിരുന്നു: വഴക്ക് ഉണ്ടായിരുന്നു: ചോദ്യം ചെയ്യലിൽ വെളിപ്പെടുത്തലുമായി സുശാന്തിന്റെ കാമുകി

20 ഇന്ത്യൻ സൈനികർ കൊല്ലപ്പെട്ടതിനു പിന്നാലെ ചൈനയ്ക്കെതിരായി സൈനിക നടപടിയുണ്ടാകുമെന്ന അഭ്യൂഹങ്ങൾക്കിടെ വ്യോമസേന മേധാവി ആർ.കെ.എസ്. ബധുരിയ രണ്ടുദിവസത്തെ അടിയന്തര സന്ദർശനത്തിനായി ലഡാക്കിലെത്തിയിരുന്നു. പെട്ടെന്നൊരു സൈനിക നടപടി ആവശ്യമായാൽ അതിനുള്ള സൗകര്യങ്ങൾ വിലയിരുത്തുന്നതിനാണു വ്യോമസേനാ മേധാവി കിഴക്കൻ ലഡാക്കിലേക്കു സന്ദർശനം നടത്തിയതെന്നാണ് സൂചന.

shortlink

Related Articles

Post Your Comments

Related Articles


Back to top button