ലണ്ടന്‍: ബ്രിട്ടനിലെ കത്തി ആക്രമണത്തിൽ മൂന്ന് പേർ കൊല്ലപ്പെട്ടു. ബ്രിട്ടനിലെ റീഡിങ് ഫോര്‍ബറി ഗാര്‍ഡനിലാണ് ആക്രമണമുണ്ടായത്. കത്തിയുമായെത്തിയ അക്രമി നിരവധി പേരെ കുത്തി. നിരവധി പേര്‍ക്ക് പരിക്കേല്‍ക്കുകയും ചെയ്‍തു. അക്രമം നടത്തിയയാളെന്ന് കരുതുന്ന 25 വയസ്സുകാരനായ ലിബിയന്‍ പൗരനെ പോലീസ് പിടികൂടി.
പാര്‍ക്കില്‍ ആളുകള്‍ കൂടിനിന്ന സ്ഥലത്തേക്ക് അക്രമി കത്തിയുമായി ഓടിയെത്തുകയായിരുന്നു. പോലീസ് എത്തിയാണ് അക്രമിയെ കീഴടക്കിയത്. ശനിയാഴ്‍ച രാത്രി ഏഴ് മണിയോടെയാണ് ആക്രമണമുണ്ടായത്. ഭീകരാക്രമണമാണോ എന്ന് പരിശോധിക്കുന്നതായി പോലീസ് പറഞ്ഞു. അതേസമയം, ആക്രമണത്തിന് ബ്ലാക്ക് ലൈവ്‍സ് മാറ്റര്‍ പ്രക്ഷോഭവുമായി ബന്ധമില്ലെന്ന് തെയിംസ് വാലി പോലീസ് അറിയിച്ചു.
മാസങ്ങള്‍ക്ക് മുമ്പ് ലണ്ടന്‍ ബ്രിഡ്‍‍ജില്‍ ഒരാള്‍ കത്തി ആക്രമണം നടത്തിയിരുന്നു. അന്ന് ആക്രമണം നടത്തിയായളെ പോലീസ് കൊലപ്പെടുത്തിയിരുന്നു. ഇയാള്‍ മറ്റൊരു കേസില്‍ തടവുശിക്ഷ പൂര്‍ത്തിയാക്കി ജയിലില്‍ നിന്ന് ഇറങ്ങിയതായിരുന്നു.
Post Your Comments