ദീലീപ് രാഹുലന്‍ സ്വര്‍ണക്കടത്തിലെ കാരിയറാണെന്ന് സംശയമുണ്ട്: ദിലീപ് രാഹുലനും സ്വപ്നയും തമ്മിലുള്ള ബന്ധമെന്താണെന്ന് എം.ടി രമേശ്

തിരുവനന്തപുരം: എസ്എന്‍സി ലാവ്‌ലിന്‍ കേസില്‍ ആരോപണവിധേയനായിരുന്ന ദിലീപ് രാഹുലൻ സ്വര്‍ണക്കടത്തിലെ കാരിയറാണെന്ന് സംശയമുണ്ടെന്ന് ബി ജെ പി നേതാവ് എം ടി രമേശ്. ദിലീപ് രാഹുലന് മുഖ്യമന്ത്രിയുടെ ഓഫീസുമായും സ്വപ്ന സുരേഷുമായും ബന്ധമുണ്ടെന്നാണ് കരുതുന്നത്. ഇതിനെക്കുറിച്ചു‌ള‌ള എല്ലാ കാര്യങ്ങളും പുറത്തുവരണം. യു എ ഇ ഭരണാധികാരി കേരളത്തില്‍ എത്തിയപ്പോള്‍ ദിലീപ് രാഹുലന്‍ അതിഥിയായിരുന്നു. അയാളെ ക്ഷണിച്ചത് സ്വപ്ന സുരേഷാണ്. ഇതിന് അനുമതി കൊടുത്തത് ആരാണ്. ദിലീപ് രാഹുലനും സ്വപ്നയും തമ്മിലുള്ള ബന്ധമെന്താണെന്നും മുഖ്യമന്ത്രി അറിയാത്ത വ്യക്തിയല്ല ദിലീപ് രാഹുലനെന്നും എം ടി രമേശ് വ്യക്തമാക്കി.