ദുബായ് : രജതജൂബിലി ആഘോഷിക്കുന്ന ദുബായിലെ ഗ്ലോബൽ വില്ലേജിന്റെ പുതിയ സീസൺ ഒക്ടോബർ 25ന് ആരംഭിക്കുമെന്ന് അധികൃതർ അറിയിച്ചു. ലോക കലാ സാംസ്കാരിക വാണിജ്യ വിപണന വിനോദ സഞ്ചാര മേഖലകൾ ഒരു കുടക്കീഴിൽ അണിനിരക്കുന്ന, മധ്യപൂർവ ദേശത്ത ഏറ്റവും വലിയ കാഴ്ചാ കേന്ദ്രമായ ഗ്ലോബൽ വില്ലേജിന്റെ 25–ാം വർഷികാഘോഷമാണ് നടക്കുക.
വിനോദത്തിനും ഷോപ്പിങ്ങിനും പ്രത്യേക സൗകര്യങ്ങളുള്ള ഇവിടെ ലോകത്തിന്റെ വിവിധ ഭാഗങ്ങളിൽ നിന്നുള്ള ഉത്പന്നങ്ങളും കലാ–കായിക വിനോദങ്ങളുമെത്തുന്നു. 2021 ഏപ്രിൽ വരെ നീണ്ടുനിൽക്കുന്ന ഗ്ലോബൽ വില്ലേജിൽ പ്രവേശിക്കാൻ 15 ദിർഹം മാത്രമാണ് ഫീസ്.
That’s right, #GlobalVillage will be back for Season 25 on October 25 2020. The best #Shopping, #Dining, and #Entertainment experiences await you during our Silver Jubilee season! Are you ready? pic.twitter.com/quhz66XDbv
— Global Village القرية العالمية (@GlobalVillageAE) July 26, 2020
ഞങ്ങളുടെ 25-ാം വാർഷികം ഞങ്ങൾക്ക് ഒരു വലിയ നാഴികക്കല്ലാണ്, ഈ വർഷം വളരെ സവിശേഷമാക്കാൻ ടീമുകൾ കഠിനമായി പരിശ്രമിക്കുന്നു. ഇത് രാജ്യത്തിനും പ്രദേശത്തിനും ഒരു പ്രധാന സന്ദേശണ്.ഗ്ലോബൽ വില്ലേജിലെ ചീഫ് എക്സിക്യൂട്ടീവ് ഓഫീസർ ബദർ അൻവാഹി പറഞ്ഞു.
കോവിഡ് മൂലം കഴിഞ്ഞ സീസൺ നേരത്തെ അടയ്ക്കുകയായിരുന്നു. എല്ലാ സുരക്ഷാ സംവിധാനങ്ങളും മുൻകരുതലുകളും സ്വീകരിച്ചുകൊണ്ടായിരിക്കും പുതിയ സീസൺ ആരംഭിക്കുകയെന്നും വ്യക്തമാക്കി. നിക്ഷേപകർക്ക് 2000 അവസരങ്ങൾ നൽകുന്നതിനായി റജിസ്ട്രേഷൻ തുടങ്ങിക്കഴിഞ്ഞു. ഇന്ത്യയടക്കം 78 രാജ്യങ്ങളിൽ നിന്നുള്ള 3,500 ഷോപ്പിങ് ഔട് ലറ്റുകളുണ്ടായിരിക്കും. 20,000 വിനോദ–സാംസ്കാരിക പരിപാടികളും ഗ്ലോബൽ വില്ലേജിന്റെ പുതിയ സീസണിൽ അരങ്ങേറും.
Post Your Comments