ന്യൂയോര്‍ക്ക്: യു.എസിൽ മലയാളി നഴ്സ് കുത്തേറ്റു മരിച്ച സംഭവത്തില്‍ കൂടുതൽ വെളിപ്പെടുത്തലുമായി മെറിന്റെ സഹപ്രവർത്തക. മെറിന്‍ ജോയി ഭര്‍ത്താവ് ഫിലിപ്പ് മാത്യുവിനെ ഭയന്നിരുന്നതായും, അയാള്‍ നിരന്തരം അവളെ ഉപദ്രവിച്ചിരുന്നെന്നും യുവതിയുടെ സഹപ്രവര്‍ത്തകയായ മിനിമോള്‍ വ്യക്തമാക്കുന്നു. നിന്നെയും കൊല്ലും ഞാനും ചാവും, കുഞ്ഞിനെയും കൊല്ലുമെന്നയാള്‍ നിരന്തരം മെറിനെ ഭീഷണിപ്പെടുത്തിയിരുന്നുവെന്ന് മിനി മോള്‍ പറയുകയുണ്ടായി. മെറിനെതിരെ സോഷ്യല്‍ മീഡിയയിലൂടെ തെറ്റായ പ്രചരണം നടക്കുന്നതായും അവര്‍ ആരോപിച്ചു.
അതേസമയം ആശുപത്രിക്കു പുറത്ത് ഫിലിപ് മെറിനെ 45 മിനിറ്റോളം കാത്തുനില്‍ക്കുന്ന സിസിടിവി ദൃശ്യങ്ങള്‍ പൊലീസിനു ലഭിച്ചു. 17 തവണ കുത്തിപരിക്കേല്‍പ്പിച്ചശേഷം, നിലത്തുവീണ് കിടന്ന യുവതിയുടെ ശരീരത്തിലൂടെ വാഹനം ഓടിച്ചു കയറ്റുകയായിരുന്നു. മെറിനെ ആക്രമിക്കുന്നത് തടയാന്‍ ശ്രമിച്ച ദൃക്സാക്ഷിയെ ഇയാള്‍ ഭീഷണിപ്പെടുത്തിയെന്നും അന്വേഷണ ഉദ്യോഗസ്ഥര്‍ വ്യക്തമാക്കി.
Post Your Comments