ശ്വാസതടസം ; ബോളിവുഡ് നടന്‍ സഞ്ജയ് ദത്തിന് ആശുപത്രിയില്‍ പ്രവേശിപ്പിച്ചു

മുംബൈ: ശ്വാസതടസ്സത്തെ തുടര്‍ന്ന് ബോളിവുഡ് നടന്‍ സഞ്ജയ് ദത്തിനെ ശനിയാഴ്ച വൈകിട്ട് മുംബൈയിലെ ലീലാവതി ആശുപത്രിയില്‍ പ്രവേശിപ്പിച്ചു. കോവിഡ് പരിശോധനാഫലം നെഗറ്റീവ് പരീക്ഷിച്ച താരം ആശുപത്രിയിലെ നോണ്‍-കോവിഡ് ഐസിയു വാര്‍ഡില്‍ ആണ്. അതേസമയം പിസിആര്‍ ടെസ്റ്റിനുള്ള സ്രവം ശേഖരിച്ചിട്ടുണ്ട്. അതിന്റെ ഫലം വന്നിട്ടില്ല. സഞ്ജയ് ദത്തിന്റെ അവസ്ഥ മെച്ചപ്പെട്ടാല്‍ അദ്ദേഹത്തെ ആശുപത്രിയില്‍ നിന്ന് ഡിസ്ചാര്‍ജ് ചെയ്യും. തലേദിവസം സഞ്ജയ് ദത്ത് ശ്വസന പ്രശ്‌നങ്ങളെക്കുറിച്ച് പരാതിപ്പെട്ടിരുന്നു.

അതേസമയം കൊറോണ വൈറസ് ലോക്ക്ഡൗണ്‍ ആയതിനാല്‍ ഭാര്യയും തന്റെ രണ്ട് മക്കളും വിദേശത്ത് കുടുങ്ങി കിടക്കുന്നതില്‍ സഞ്ജയ് ദത്ത് മുംബൈയിലെ വസതിയില്‍ ഒറ്റയ്ക്കാണ് താമസിക്കുന്നത്. തനിക്ക് പ്രശ്‌നമൊന്നുമില്ലെന്നും തന്റെ ആരോഗ്യത്തെക്കുറിച്ച് സഞ്ജയ് ട്വിറ്ററിലൂടെ ആരാധകരെ അറിയിച്ചു.

‘ഞാന്‍ നന്നായി ഇരിക്കുന്നുവെന്ന് എല്ലാവര്‍ക്കും ഉറപ്പുനല്‍കുന്നു. ഞാന്‍ ഇപ്പോള്‍ നിരീക്ഷണത്തിലാണ്, എന്റെ കോവിഡ് -19 റിപ്പോര്‍ട്ട് നെഗറ്റീവ് ആണ്. ലീലാവതി ആശുപത്രിയിലെ ഡോക്ടര്‍മാരുടെയും നഴ്‌സുമാരുടെയും സ്റ്റാഫുകളുടെയും സഹായത്തോടെയും പരിചരണത്തോടെയും ഒന്നോ രണ്ടോ ദിവസത്തിനുള്ളില്‍ ആശുപത്രി വിട്ടു വീട്ടിലെത്താനാകും. നിങ്ങളുടെ ആശംസകള്‍ക്കും അനുഗ്രഹങ്ങള്‍ക്കും നന്ദി.’ ദത്ത് ട്വീറ്റ് ചെയ്തു.

Just wanted to assure everyone that I’m doing well. I’m currently under medical observation & my COVID-19 report is negative. With the help & care of the doctors, nurses & staff at Lilavati hospital, I should be home in a day or two. Thank you for your well wishes & blessings 🙏

— Sanjay Dutt (@duttsanjay) August 8, 2020

നോണ്‍-കോവിഡ് ഐസിയു വാര്‍ഡിലാണ് ദത്തിനെ ഇപ്പോള്‍ പ്രവേശിപ്പിച്ചത്. ഡോക്ടര്‍മാര്‍ കൂടുതല്‍ പരിശോധനകള്‍ നടത്തുന്നുണ്ട്. അദ്ദേഹത്തിന്റെ നില തൃപതികരമാണെന്ന് ചീഫ് ഓപ്പറേറ്റിംഗ് ഓഫീസര്‍ ഡോ. വി. രവിശങ്കര്‍ പറഞ്ഞു.

ബോളിവുഡിലെ ഏറ്റവും തിരക്കേറിയ നടന്മാരില്‍ ഒരാളാണ് ദത്ത്. അഹ്മദ് ഷാ അബ്ദാലി എന്ന കഥാപാത്രത്തെ അവതരിപ്പിച്ച പാനിപ്പട്ടിലാണ് 61 കാരനായ സഞ്ജയ് ദത്തിനെ അവസാനമായി കണ്ടത്. കഴിഞ്ഞ വര്‍ഷം കലങ്ക്, പാനിപട്ട് എന്നീ ചിത്രങ്ങളില്‍ അഭിനയിച്ചു.

61 കാരനായ ദത്ത് ബോളിവുഡിലെ ഏറ്റവും തിരക്കേറിയ നടന്മാരില്‍ ഒരാളാണ്. കഴിഞ്ഞ വര്‍ഷം കലങ്ക്, പാനിപട്ട് എന്നീ ചിത്രങ്ങളില്‍ അഭിനയിച്ചു. സഞ്ജയ് ദത്ത് തന്റെ വരാനിരിക്കുന്ന സദക് 2 ന്റെ റിലീസിനായി കാത്തിരിക്കുകയാണ്. മുകേഷ് ഭട്ട് സംവിധാനം ചെയ്യുന്ന സഡക് 2 ഡിസ്‌നി + ഹോട്ട്സ്റ്റാറില്‍ ഓഗസ്റ്റ് 28 ന് സംപ്രേഷണം ചെയ്യും. ചിത്രത്തില്‍ പൂജ ഭട്ട്, ആലിയ ഭട്ട്, ആദിത്യ റോയ് കപൂര്‍ എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു. മഹേഷ് ഭട്ടിന്റെ 1991 ലെ ഹിറ്റ് ചിത്രമായ സഡക്കിന്റെ രണ്ടാം ഭാഗമാണിത്. 20 വര്‍ഷത്തിനുശേഷം മഹേഷ് ഭട്ട് ചലച്ചിത്രനിര്‍മ്മാണത്തിലേക്ക് മടങ്ങിയെത്തുന്ന ചിത്രമാണ് സഡക് 2.

കെജിഎഫ്: ചാപ്റ്റര്‍ 2 എന്ന ചിത്രത്തിലും തരം അഭിനയിക്കുന്നുണ്ട്. പ്രശാന്ത് നീല്‍ സംവിധാനം ചെയ്ത ചിത്രത്തില്‍ യഷ്, രവീന ടണ്ടന്‍, ശ്രീനിധി ഷെട്ടി എന്നിവര്‍ പ്രധാന കഥാപാത്രങ്ങളെ അവതരിപ്പിക്കുന്നു. സഞ്ജയ് ദത്ത് ചിത്രത്തില്‍ വില്ലന്‍ കധാപാത്രമായ അദീരയുടെ വേഷത്തില്‍ എത്തുന്നു. കെജിഎഫ്: ചാപ്റ്റര്‍ 2 ഒക്ടോബര്‍ 23 ന് ലോകമെമ്പാടും റിലീസ് ചെയ്യുമെന്നായിരുന്നു ആദ്യം അറിയിച്ചിരുന്നത്. എന്നാല്‍ കോവിഡ് പശ്ചാത്തലത്തില്‍ ചിത്രം മാറ്റിവച്ചു. ഇനി ഒരു ഔദ്യോഗിക പ്രഖ്യാപനത്തിനായി ആരാധകരും സിനിമാ പ്രേമികളും ഇപ്പോഴും കാത്തിരിക്കുകയാണ്.