ഡൽഹി , ചെങ്കോട്ടയിൽ വെച്ചു നടക്കുന്ന സ്വാതന്ത്ര്യദിനാഘോഷ പരിപാടിയിൽ ഇത്തവണ അതിഥികളുടെ എണ്ണം 1500 പേരായി പരിമിതപ്പെടുത്തി.ലോക്ക്‌ഡൗണിന്റെ പശ്ചാത്തലത്തിലാണ് ഇത്തവണ രാജ്യം എഴുപത്തിനാലാം സ്വാതന്ത്ര്യദിനം (Independence Day 2020) ആഘോഷിക്കാൻ ഒരുങ്ങുന്നത്. കോവിഡ് മഹാമാരിയുടെ പശ്ചാത്തലത്തിൽ ഏറെ നിയന്ത്രണങ്ങളോടെയാണ് ഇത്തവണ സ്വാതന്ത്ര്യദിനാഘോഷ പരിപാടികൾ നടക്കുക.
സ്വാതന്ത്ര്യദിനാഘോഷത്തിന്റെ ഭാഗമായി പരിപാടികൾ സംഘടിപ്പിക്കുമ്പോൾ, സാമൂഹിക അകലം പാലിക്കൽ, മുഖംമൂടി ധരിക്കുക, ശരിയായ ശുചിത്വം, ആൾക്കൂട്ടം ഒഴിവാക്കുക തുടങ്ങിയ പ്രതിരോധ നടപടികൾ പാലിക്കേണ്ടത് അത്യാവശ്യമാണ്.സാധാരണ 10,000 ത്തിലേറെ അതിഥികൾ പങ്കെടുക്കാറുള്ള ഡൽഹി ചെങ്കോട്ടയിൽ വെച്ചു നടക്കുന്ന സ്വാതന്ത്ര്യദിനാഘോഷ പരിപാടിയിൽ ഇത്തവണ അതിഥികളുടെ എണ്ണം 1500 പേരായി പരിമിതപ്പെടുത്തി. കൊറോണ പോരാളികളാണ് ഇത്തവണ സ്വാതന്ത്യദിനാഘോഷ പരിപാടിയുടെ ശ്രദ്ധാകേന്ദ്രം.
കൊറോണ പ്രതിരോധത്തിന്റെ മുന്നണിയിൽ പ്രവർത്തിക്കുന്ന ഡോക്ടർമാർ, നേഴ്സുമാർ, പൊലീസുകാർ എന്നിവരുടെ പ്രതിനിധികൾക്കും ചെങ്കോട്ടയിൽ നടക്കുന്ന സ്വാതന്ത്ര്യദിനാഘോഷ പരിപാടിയിലേക്ക് ക്ഷണമുണ്ട്.മാസ്ക് അണിഞ്ഞും സാമൂഹിക അകലം പാലിച്ചും വേണം അതിഥികൾ ആഘോഷപരിപാടികളിൽ പങ്കെടുക്കുന്നത്. സാധാരണ 4200 ഓളം എൻസിസി കേഡറ്റുകൾ സ്വാതന്ത്ര്യദിനാഘോഷ പരിപാടികളുടെ ഭാഗമായി പങ്കെടുത്തുന്നിടത്ത് ഇത്തവണ അഞ്ഞൂറിൽ താഴെ കേഡറ്റുകൾ മാത്രമാണ് പങ്കെടുക്കുക.
എന്നാൽ സംസ്ഥാനത്ത് സ്വാതന്ത്ര്യദിനാഘോഷത്തിന്റെ ഭാഗമായി സർക്കാരിന്റെ സ്വാതന്ത്ര്യദിന ചടങ്ങുകളിൽ കോവിഡ് മഹാമാരിക്കെതിരെ പോരാടുന്ന ആരോഗ്യപ്രവർത്തകരും അതിഥികളായെത്തും. കോവിഡ് നിയന്ത്രണങ്ങളും മാനദണ്ഡങ്ങളും പാലിച്ച് സ്വാതന്ത്ര്യദിനം ആഘോഷിക്കുന്നതിനുള്ള സർക്കാർ നിർദേശങ്ങളിലാണ് ഇക്കാര്യമുള്ളത്. കോവിഡ് പോരാളികളായ ഡോക്ടർമാർ, നഴ്സുമാർ, പാരാമെഡിക്കൽ ജീവനക്കാർ, ശുചീകരണജീവനക്കാർ എന്നീ വിഭാഗങ്ങളിൽനിന്നുള്ളവരെ ചടങ്ങിലേക്ക് ക്ഷണിക്കാനാണ് നിർദേശം.കോവിഡ് അതിജീവിച്ചവരെയും ചടങ്ങിലേക്ക് ക്ഷണിക്കാം.പൊതുജനങ്ങൾ, കുട്ടികൾ, മുതിർന്നവർ എന്നിവരെ ചടങ്ങുകളിൽ അനുവദിക്കില്ല. എമർജൻസി കോവിഡ് സെന്ററുകളും വേദിയോട് ചേർന്ന് സജ്ജീകരിക്കും.ബ്രിട്ടീഷ് അടിച്ചമര്‍ത്തലിനെതിരെ പോരാടി സ്വാതന്ത്ര്യമെന്ന ഭാരതീയരുടെ അവകാശം തിരികെ നേടിയെടുത്തതിന്‍റെ ആവേശപൂര്‍വ്വമായ ഓര്‍മപുതുക്കലാണ് ഓരോ ഓഗസ്റ്റ് പതിനഞ്ചും.
Post Your Comments