ഇംഫാല്‍: പാര്‍ട്ടിയിലുള്ള വിശ്വാസം നഷ്ടമായി, ആറ് കോണ്‍ഗ്രസ് എം.എല്‍.എമാര്‍ രാജിവെച്ചു . മണിപ്പുര്‍ കോണ്‍ഗ്രസിലാണ് കൂട്ടരാജി. ബിരന്‍ സിംഗിന്റെ നേതൃത്വത്തിലുള്ള ബിജെപി സര്‍ക്കാര്‍ വിശ്വാസവോട്ട് നേടിയതിനു പിന്നാലെ ആറു കോണ്‍ഗ്രസ് എംഎല്‍എമാര്‍ രാജിവച്ചു. വിശ്വാസവോട്ടില്‍നിന്നു വിട്ടുനിന്ന എട്ടു എംഎല്‍എമാരില്‍ ആറുപേരാണ് ഇവരെന്നു നിയമസഭാംഗം ഒ. ഹെന്റി സിംഗ് അറിയിച്ചു. ;ഇബോബി സിംഗിന്റെ നേതൃത്വത്തിലുള്ള പാര്‍ട്ടിയില്‍ വിശ്വാസമില്ലെന്നു ചൂണ്ടിക്കാട്ടിയാണ് എംഎല്‍എമാരുടെ രാജി.
Read Also : കൊറോണ പ്രതിസന്ധി നേരിടാന്‍ ഇന്ത്യ സ്വീകരിക്കുന്ന നടപടികള്‍ ശരിയായ ദിശയിലാണെന്ന് പ്രധാനമന്ത്രി നരേന്ദ്രമോദി
രാജിക്കത്തു സ്പീക്കര്‍ക്കു നല്‍കിയതായി എംഎല്‍എമാര്‍ അറിയിച്ചു. രാജി ഇതുവരെ സ്പീക്കര്‍ അംഗീകരിച്ചിട്ടില്ലെന്നും വൈകാതെ പാര്‍ട്ടി അംഗത്വത്തില്‍നിന്ന് രാജിവയ്ക്കുമെന്നും എംഎല്‍എമാര്‍ പറഞ്ഞു.സംസ്ഥാനത്തെ ഏറ്റവും വലിയ ഒറ്റ കക്ഷിയായിരിക്കുമ്പോഴും സര്‍ക്കാര്‍ രൂപീകരിക്കുന്നതില്‍ കോണ്‍ഗ്രസ് പരാജയപ്പെട്ടുവെന്നും അവര്‍ പറഞ്ഞു. 60 അംഗ നിയമസഭയില്‍ നിലവില്‍ 53 അംഗങ്ങളാണുള്ളത്. മൂന്ന് എംഎല്‍എമാര്‍ രാജിവയ്ക്കുകയും നാലു പേരെ കൂറുമാറ്റ നിയമം അനുസരിച്ച് അയോഗ്യരാക്കുകയും ചെയ്തിരുന്നു. ഭരണസമിതിയില്‍ സ്പീക്കര്‍ ഉള്‍പ്പെടെ 29 ബിജെപി എംഎല്‍എമാരുണ്ടായിരുന്നു.
Post Your Comments