തിരുവനന്തപുരം: സൈബര്‍ ഇടങ്ങളില്‍ അസഭ്യ വര്‍ഷത്തില്‍ പൂണ്ട് വിളയാടുന്നവരാണ് പ്രതിപക്ഷ പാര്‍ട്ടികളുടെ അണികളെന്ന് മുഖ്യമന്ത്രി പിണറായി വിജയന്‍. മാധ്യമങ്ങള്‍ക്കെതിരായ സൈബര്‍ ആക്രമങ്ങളുമായി ബന്ധപ്പെട്ട് പ്രതികരിക്കുകയായിരുന്നു അദ്ദേഹം. ഒരാള്‍ക്ക് നേരേയും വ്യക്തിപരമായ ആക്രമണം പാടില്ലെന്നാണ് തന്‍റെ നിലപാട്. അതു സൈബര്‍ ഇടത്തിലായാലും മാധ്യമങ്ങളുടെ കാര്യത്തിലായാലും അങ്ങനെ തന്നെയാണ്. പ്രതിപക്ഷ നേതാവ് സ്വന്തം അണികളോട് പറഞ്ഞില്ലെങ്കില്‍ കൂടി സ്വന്തം ജനപ്രതിനിധികളോടെങ്കിലും മാന്യമായി ഇടപെടാന്‍ പറയണമെന്നും അദ്ദേഹം വ്യക്തമാക്കി.
ഐഎസ്‌ആര്‍ഒ ചാരക്കേസില്‍ നമ്പിനാരായണനെ ആക്രമിച്ചത് ഒരു പ്രമുഖ മാധ്യമസ്ഥാപനമായിരുന്നു. ഒരു ബ്ലോക്ക് പഞ്ചായത്ത് അംഗത്തിന്‍റെ മുടി സിപിഎം പ്രവര്‍ത്തകര്‍ മുറിച്ചെന്ന് ആക്ഷേപിച്ച്‌ ഒരു മാധ്യമം ഒന്നാം പേജില്‍ വാര്‍ത്ത നല്‍കി. എന്നിട്ട് തെറ്റാണെന്ന് കണ്ടപ്പോള്‍ തിരുത്തിയോ, മാപ്പ് പറഞ്ഞോ മുഖ്യമന്ത്രി ചോദിച്ചു. ഇത്തരം സംഭവങ്ങള്‍ നീട്ടിക്കൊണ്ടുപോകുന്നത് ആര്‍ക്കും നല്ലതല്ലെന്നും മുഖ്യമന്ത്രി കൂട്ടിച്ചേർത്തു.
Post Your Comments