MollywoodLatest NewsNewsEntertainment

പപ്പയുടെ ജന്മദിനത്തില്‍ എനിക്ക് രണ്ട് ആഗ്രഹങ്ങളുണ്ട്; ഹൃ​ദയസ്പര്‍ശിയായ കുറിപ്പുമായി നടി അമല പോള്‍

അച്ഛന്റെ പിറന്നാള്‍ ദിനത്തില്‍ ഹൃ​ദയസ്പര്‍ശിയായ കുറിപ്പുമായി മലയാളത്തിന്റെ പ്രിയ താരം അമല പോള്‍. താനും സഹോദരനും ഇപ്പോള്‍ പപ്പയെ കൂടുതല്‍ മനസിലാകുന്നുണ്ടെന്നും ജീവിതപ്പാത മുറിച്ചു കടക്കുമ്ബോള്‍ നിങ്ങളെ തിരിച്ചറിയാനുള്ള മാര്‍ഗദര്‍ശനം നല്‍കി കൂടെയുണ്ടാകാണാമെന്നുമാണ് അമല അച്ഛനോട് പറയുന്നത് അച്ഛനും അമ്മയ്ക്കും സഹോദരനുമൊപ്പമുള്ള പഴയ ചിത്രത്തിനൊപ്പമാണ് താരത്തിന്റെ കുറിപ്പ്.

അമല പോളിന്റെ കുറിപ്പ്

പപ്പ, ഞാനും ജിത്തും ഇന്നത്തെപ്പോലെ ഞങ്ങളുടെ ജീവിതത്തില്‍ ഒരിക്കലും നിങ്ങളെ അറിഞ്ഞിരുന്നില്ല. പപ്പയുടെ ജന്മദിനത്തില്‍ എനിക്ക് രണ്ട് ആഗ്രഹങ്ങളുണ്ട്. ഒന്ന് നിങ്ങള്‍ എവിടെയായിരുന്നാലും, ഏത് രൂപത്തിലായിരുന്നാലും സന്തോഷത്തോടെയും സമാധാനത്തോടെയും ഇരിക്കാന്‍ ഞാനും അമ്മയും ജിത്തുവും ആശംസിക്കുന്നു.

രണ്ടാമത്തെ ആഗ്രഹം ഞങ്ങളുടെ ജീവിതപ്പാത മുറിച്ചു കടക്കുമ്ബോള്‍ നിങ്ങളെ തിരിച്ചറിയാനുള്ള മാര്‍ഗദര്‍ശനം തരണേയെന്നാണ്. എനിക്ക് ഒരുപാട് കാര്യങ്ങള്‍ പറയാനുണ്ട്. കുഞ്ഞ് അമലാ നിങ്ങളെ ഒരുപാട് മിസ് ചെയ്യുന്നു. പപ്പയില്ലാതെ നമ്മുടേത് ഒരു പൂര്‍ണ കുടുംബമാകില്ല. മിസ് ചെയ്യുന്നു. ജന്മദിന ആശംസകള്‍ പപ്പ.

ഈ വര്‍ഷം ജനുവരിയിലാണ് അമല പോളിന്റെ അച്ഛന്‍ പോള്‍ വര്‍​ഗീസ് അന്തരിച്ചത്.

ഈസ്റ്റ് കോസ്റ്റ് ഡെയ്‌ലി വാർത്തകൾ ടെലഗ്രാമിൽ ലഭിക്കാൻ ഇവിടെ ക്ലിക്ക് ചെയ്യുക

Post Your Comments


Back to top button