കീവ്: യുക്രെയിനിന്റെ കിഴക്കൻ പ്രദേശമായ ഖാർകിവിനു സമീപം വ്യോമസേന വിമാനം തകർന്നുവീണ് സൈനിക കേഡറ്റുകൾ ഉൾപ്പെടെ 22 പേർ കൊല്ലപ്പെട്ടു. അപകടത്തിൽ രണ്ട് പേർക്ക് ഗുരുതരമായി പരിക്കേറ്റതായി യുക്രെയിൻ ആഭ്യന്തര മന്ത്രാലയം അറിയിച്ചു.
21 സൈനിക വിദ്യാർത്ഥികളും ഏഴ് ജീവനക്കാരുമടക്കം 28 യാത്രക്കാരായിരുന്നു വിമാനത്തിലുണ്ടായിരുന്നത്. മറ്റുള്ളവർക്കായി തെരച്ചിൽ നടത്തുകയാണെന്ന് യുക്രെയിൻ ആഭ്യന്തരമന്ത്രി ആന്‍റണ്‍ ജെറാഷ്ചെങ്കോ പറഞ്ഞു. തകരാറിന്റെ കാരണം ഇപ്പോൾ പറയുക അസാധ്യമാണെന്നും വിമാനാപകടം അന്വേഷിക്കാൻ പ്രത്യേക സംഘത്തെ നിയോഗിക്കുമെന്നും അദ്ദേഹം കൂട്ടിച്ചേർത്തു.
വെള്ളിയാഴ്ച പ്രാദേശിക സമയം രാത്രി 8:50 ഓടെ (17:50 ജിഎംടി) ചുഹൂവ് സൈനിക വ്യോമതാവളത്തിൽ നിന്ന് രണ്ട് കിലോമീറ്റർ (1 മൈൽ) അകലെയാണ് അന്റോനോവ് -26 എന്ന ഗതാഗത വിമാനം തകർന്നത്.
ശനിയാഴ്ച ഈ മേഖലയിലേക്ക് പോകുമെന്ന് യുക്രേനിയൻ പ്രസിഡന്റ് വോലോഡൈമർ സെലൻസ്കി പറഞ്ഞു. ദുരന്തത്തിന്റെ എല്ലാ സാഹചര്യങ്ങളും കാരണങ്ങളും അന്വേഷിക്കാൻ അടിയന്തിരമായി ഒരു കമ്മീഷൻ സൃഷ്ടിക്കുന്നു, ”അദ്ദേഹം ഫേസ്ബുക്കിൽ കുറിച്ചു.
Post Your Comments