സൂപ്പർ താരം പൃഥിയുടെ പിറന്നാൾ; സർപ്രൈസൊരുക്കി സുപ്രിയ‌

മലയാളികളുടെ പ്രിയതാരം പൃഥിക്ക് ഇന്ന് ജൻമദിനം; പൃഥ്വിരാജ് ഇന്ന് മുപ്പത്തിയെട്ടാം ജന്മദിനം ആഘോഷിക്കുകയാണ്. സോഷ്യല്‍ മീഡിയയില്‍ താരത്തിന് ആശംസാപ്രവാഹമാണ്.

സിനിമാലോകം ഒന്നടങ്കം താരത്തിന് ആശംകളുമായി രംഗത്തെത്തിയിട്ടുണ്ട്. പൃഥ്വിരാജിന്റെ പിറന്നാള്‍ കേക്കിലും സര്‍പ്രൈസ് ഒരുക്കിയിരിക്കുകയാണ് ഭാര്യ സുപ്രിയ. ഈ കേക്കിന്റെ ചിത്രം സോഷ്യല്‍ മീഡിയയില്‍ തരം​ഗമായി മാറുകയാണ്.

നടൻ പൃഥ്വിരാജിന്റെ ഏറ്റവും പുതിയ സിനിമ ആടുജീവിതത്തിന്റെ തീമിലാണ് കേക്ക് ഒരുക്കിയിരിക്കുന്നത്. പിസ്ത നിറത്തിലുള്ള കേക്കില്‍ ആടിന്റെ തലയും മുകളിലായി ഹാപ്പി ബര്‍ത്ത് ഡേ ഡാഡാ എന്ന് എഴുതിയിട്ടുമുണ്ട്. കേക്കിന്റെ ചിത്രം പൃഥ്വിരാജ് സോഷ്യൽ മീഡിയയിൽ പങ്കുവച്ചിട്ടുണ്ട്.