KeralaLatest NewsNews

കൂടത്തായി കൊലപാതക പരമ്പര : കേസില്‍ വിചിത്രമായ അപേക്ഷയുമായി ജോളിയുടെ അഭിഭാഷകന്‍ ബി.എ.ആളൂര്‍

കോഴിക്കോട്: കൂടത്തായി കൊലപാതക പരമ്പര , കേസില്‍ വിചിത്രമായ അപേക്ഷയുമായി ജോളിയുടെ അഭിഭാഷകന്‍ ബി.എ.ആളൂര്‍. ജോളി ജയിലില്‍ ആയതിനാല്‍ അവര്‍ക്കായി സാമ്പത്തിക ഇടപാടുകള്‍ നടത്താന്‍ അനുവാദം നല്‍കണമെന്ന് ആവശ്യപ്പെട്ട് ആളൂര്‍ കോടതിയില്‍ അപേക്ഷ നല്‍കി. വിവിധയാളുകളില്‍ നിന്നായി ജോളിക്ക് മുപ്പത് ലക്ഷത്തോളം രൂപ കിട്ടാനുണ്ടെന്നും ആളൂര്‍ കോടതിയില്‍ നല്‍കിയ അപേക്ഷയില്‍ പറയുന്നു.

Read Also : ഓര്‍മ നഷ്ടപ്പെട്ട് ജീവിച്ച് ഒരു അമ്മ : മകന്റെ പേര് മാത്രം ഓര്‍മ : ഏഴ് വയസുള്ളപ്പോള്‍ വീട്ടില്‍ നിന്നിറങ്ങിപ്പോയ അമ്മയെ 15 വര്‍ഷത്തിനു ശേഷം ആ മകന് തിരിച്ചുകിട്ടി … ജീവിതം ഒരത്ഭുതം തന്നെ

കോഴിക്കോട് ജില്ലാ പ്രിന്‍സിപ്പള്‍ സെഷന്‍സ് കോടതിയില്‍ വാദം നടക്കുന്നതിനിടെയാണ് ആളൂര്‍ വിചിത്രമായ അപേക്ഷ നല്‍കിയത്. കടം നല്‍കിയതും റിയല്‍ എസ്റ്റേറ്റ് ഇടപാടു നടത്തിയതും ഉള്‍പ്പെടെ 30 ലക്ഷത്തോളം രൂപ ജോളിക്ക് കിട്ടാനുണ്ട്. തടവിലായതുകൊണ്ട് പണം നല്‍കാനുള്ളവരുമായി ബന്ധപ്പെടാന്‍ കഴിയുന്നില്ല. അതിനാല്‍ അവരുടെ സാമ്പത്തിക ഇടപാടുകള്‍ ഏറ്റെടുത്ത് നടത്താന്‍ അഭിഭാഷകന് അനുവാദം നല്‍കണമെന്നാണ് ആളൂരിന്റെ ആവശ്യം.

ജോളിയുടെ സാമ്പത്തിക കാര്യങ്ങളിലുള്ള ആളൂരിന്റെ ഇടപെടലിനെ പ്രോസിക്യൂഷനും പൊലീസും പ്രാധാന്യത്തോടെയാണ് നോക്കി കാണുന്നത്.

 

 

 

ഈസ്റ്റ് കോസ്റ്റ് ഡെയ്‌ലി വാർത്തകൾ ടെലഗ്രാമിൽ ലഭിക്കാൻ ഇവിടെ ക്ലിക്ക് ചെയ്യുക

Related Articles

Post Your Comments


Back to top button