ലക്‌നൗ : ഉത്തർപ്രദേശിൽ ഹിന്ദു പെൺകുട്ടിയെ മതപരിവർത്തനത്തിന് നിർബന്ധിച്ച യുവാവ് അറസ്റ്റിൽ. ബറേലി സ്വദേശിയായ ഓവൈഷ് അഹമ്മദ് എന്ന 21 കാരനാണ് അറസ്റ്റിലായത്. നിർബന്ധിത മതപരിവർത്തനം കുറ്റകരമാക്കികൊണ്ടുള്ള നിയമം കൊണ്ടുവന്നതിന് പിന്നാലെ ഇയാൾക്കെതിരെ കേസ് രജിസ്റ്റർ ചെയ്തിരുന്നു. തുടർന്നാണ് അറസ്റ്റ്.
കേസ് രജിസ്റ്റർ ചെയ്തതിന് പിന്നാലെ ഒവൈഷ് ഒളിവിൽ പോയിരുന്നു. നവംബർ 28 നാണ് ഒവൈഷിനെതിരെ പോലീസ് കേസ് രജിസ്റ്റർ ചെയ്തത്.
മകളെ ഇസ്ലാം മതം സ്വീകരിക്കാൻ ഒവൈഷ് സമ്മർദ്ദം ചെലുത്തിയെന്ന് കാണിച്ച് ഷെരീഫ് നഗർ ഗ്രാമത്തിലെ ഹൈന്ദവ കുടുംബം ദേവരാനിയ പോലീസ് സ്റ്റേഷനിൽ പരാതി നൽകിയിരുന്നു.
ഇതേ തുടർന്നാണ് പോലീസ് നടപടി സ്വീകരിച്ചത്. രഹസ്യവിവരത്തിന്റെ അടിസ്ഥാനത്തിൽ പോലീസ് നടത്തിയ നീക്കത്തിനൊടുവിലാണ് ഇയാളെ അറസ്റ്റ് ചെയ്തത്. കോടതിയിൽ ഹാജരാക്കിയ ഓവൈഷിനെ ജയിലിലേക്ക് മാറ്റി.ഇന്ത്യൻ ശിക്ഷാ നിയമത്തിലെ 363, 366 എന്നിവയും മറ്റ് വകുപ്പുകളും പ്രകാരമാണ് കേസ് രജിസ്റ്റർ ചെയ്തിരിക്കുന്നത്.
Post Your Comments