സൗദിയിൽ 147 പേർക്ക്​ കൂടി പുതുതായി കോവിഡ് ബാധ

റിയാദ്​: സൗദിയിൽ കൊറോണ വൈറസ് രോഗം​ ബാധിച്ച്​ ഇതുവരെ മരിച്ചവരുടെ എണ്ണം 6300 ആയി ഉയർന്നിരിക്കുന്നു. ചൊവ്വാഴ്​ച അഞ്ചുപേരാണ്​ കോവിഡ് ബാധിച്ചു മരിച്ചത്​. 147 പേർക്ക്​ കൂടി പുതുതായി കോവിഡ് സ്ഥിരീകരിച്ചു. ​151 രോഗബാധിതർ സുഖം പ്രാപിച്ചു. ഇതോടെ രാജ്യത്ത്​ റിപ്പോർട്ട്​ ചെയ്​ത കോവിഡ്​ കേസുകളുടെ ആകെ എണ്ണം 364096 ഉം രോഗമുക്തരുടെ എണ്ണം 355857 ഉം ആയി ഉയർന്നിരിക്കുന്നു.

രോഗ ബാധിതരായി രാജ്യത്ത്​ ബാക്കിയുള്ള 1939 പേരിൽ 310 പേരുടെ നില ഗുരുതരമാണ്​​. ഇവർ രാജ്യത്തെ വിവിധ ആശുപത്രികളിലെ തീവ്രപരിചരണ വിഭാഗത്തിലാണ് കഴിയുന്നത്​. ബാക്കിയുള്ളവരുടെ ആരോഗ്യസ്ഥിതി തൃപ്​തികരമാണ്​. രാജ്യത്തെ കോവിഡ്​ മുക്തി നിരക്ക്​ 97.7 ശതമാനമായി. മരണനിരക്ക്​ 1.7 ശതമാനമായി തുടരുന്നു​.