ഗുജറാത്ത് മുനിസിപ്പൽ തെരഞ്ഞെടുപ്പ്: ഗംഭീര വിജയം കുറിച്ച് ബിജെപി, തളര്‍ന്ന് കോണ്‍ഗ്രസ്

ന്യൂഡൽഹി : ഗുജറാത്ത് മുനിസിപ്പൽ തിരഞ്ഞെടുപ്പിൽ നിലയുറിപ്പിക്കാനാവാതെ കോൺഗ്രസും എൻസിപിയും കീഴടങ്ങിയപ്പോൾ ഗംഭീര വിജയം കുറിച്ച് ബിജെപി. ആംദാവാദ് മുനിസിപ്പൽ കോർപ്പറേഷനിൽ 101 സീറ്റുകൾ ബിജെപി നേടിയപ്പോൾ കോൺഗ്രസ് 15ൽ ഒതുങ്ങി. സൂറത്തിൽ ബിജെപി 62 സീറ്റ് നേടിയപ്പോൾ കോൺഗ്രസിന് 5 സീറ്റ് മാത്രമാണ് ലഭിച്ചത്. വഡോദരയിൽ 48 സീറ്റുകളിൽ ബിജെപി വിജയിച്ചപ്പോൾ 7 ഇടങ്ങളിൽ കോൺഗ്രസ് വിജയിച്ചു.

രാജ്കോട്ടിൽ 56 സീറ്റുകൾ ബിജെപി നേടിയപ്പോൾ ഒരിടത്ത് പോലും കോൺഗ്രസ് വിജയിച്ചില്ല. ഭാവ്നഗറിൽ 31 സീറ്റുകൾ ബിജെപിക്കും 5 സീറ്റ് കോൺഗ്രസിനുമാണ്. ജാമ്നഗറിൽ ബിജെപി 43 സീറ്റുകളിൽ വിജയിച്ചപ്പോൾ കോൺഗസിന് 6 ഇടങ്ങളിൽ മാത്രമാണ് വിജയിക്കാനായത് .

Read Also :  തിരുവനന്തപുരത്ത് നൂറിലധികം സിപിഎം പ്രവർത്തകർ ബിജെപിയിൽ ചേർന്നു

അതേസമയം കർഷക പ്രതിഷേധം ആയുധമാക്കിയ കോൺഗ്രസിന് കനത്ത തിരിച്ചടിയാണ് തെരഞ്ഞെടുപ്പിലൂടെ ലഭിച്ചത്. കർഷക നിയമങ്ങൾക്കൊപ്പമാണ് ഗുജറാത്ത് ജനതയെന്നും പ്രതിപക്ഷത്തിന്റെയും അക്രമികളുടെയും വിദ്വേഷ രാഷ്ട്രീയത്തിന്റെ പരാജയമാണ് തെരഞ്ഞെടുപ്പ് ഫലങ്ങൾ സൂചിപ്പിക്കുന്നതെന്നും ബിജെപി നേതാക്കൾ വ്യക്തമാക്കി.