USALatest NewsNewsInternationalCrime

മൂന്ന് പേരെ കൊലപ്പെടുത്തിയ സംഭവം; പ്രതിയുടെ കൊലപാതക കഥകേട്ട് ഞെട്ടി പോലീസ്

വാഷിങ്ടണ്‍: മൂന്ന് പേരെ കൊലപ്പെടുത്തിയ സംഭവത്തിൽ അറസ്റ്റിലായ പ്രതിയുടെ കൊലപാതക രീതി കേട്ട് ഞെട്ടി യുഎസ് പൊലീസ്. കൊല്ലപ്പെട്ട ഇരകളിലൊരാളുടെ ഹൃദയം മുറിച്ചെടുത്ത് ഉരുളക്കിഴങ്ങ് കൂട്ടി പാകം ചെയ്ത് മറ്റുള്ള രണ്ട് പേരെ കൊല്ലുന്നതിന് മുമ്പ് അവര്‍ക്ക് കഴിക്കാന്‍ നല്‍കിയതായി പൊലീസ് പറയുകയുണ്ടായി. ലോറന്‍സ് പോള്‍ ആന്‍ഡേഴ്‌സണ്‍ എന്നയാളെയാണ് ഒക്ലഹോമ പൊലീസ് ബുധനാഴ്ച അറസ്റ്റ് ചെയ്തിരിക്കുന്നത്.

അയല്‍ക്കാരിയായ യുവതി, അമ്മാവന്‍, അമ്മാവന്റെ നാല് വയസ്സുകാരിയായ മകള്‍ എന്നിവരെയാണ് ഇയാള്‍ ക്രൂരമായി കൊന്നത്. അമ്മാവന്റെ ഭാര്യ പരിക്കുകളോടെ രക്ഷപ്പെടുകയുണ്ടായി. അയല്‍ക്കാരിയെയാണ് ആദ്യം പ്രതി കൊലപ്പെടുത്തിയത്. കുത്തിക്കൊലപ്പെടുത്തിയ ശേഷം ഹൃദയം മുറിച്ചെടുത്ത് പാകം ചെയ്ത് അമ്മാവന്റെ വീട്ടിലെത്തിച്ച് അവര്‍ക്ക് കൊടുക്കാന്‍ ശ്രമിച്ചെന്ന് റിപ്പോർട്ടുകളിൽ പറയുകയാണ്. പ്രതി പിന്നീട് ഇവരെയും കൊലപ്പെടുത്തി. നേരത്തെ മയക്കുമരുന്ന് കേസിലും ഇയാള്‍ ശിക്ഷ അനുഭവിച്ചിരുന്നു. കോടതിയില്‍ ഇയാള്‍ കുറ്റം സമ്മതിക്കുകയുണ്ടായി.

Related Articles

Post Your Comments


Back to top button