ന്യൂഡല്ഹി : രാജ്യത്ത് ആഭ്യന്തര വളര്ച്ചാനിരക്കില് ഉണ്ടായ തളര്ച്ചയെ പ്രധാനമന്ത്രി നരേന്ദ്ര മോദിയുടെ താടിയുമായി താരതമ്യം ചെയ്ത് കോണ്ഗ്രസ് നേതാവ് ശശി തരൂര്. പ്രധാനമന്ത്രിയുടെ താടിയും ആഭ്യന്തര വളര്ച്ചാനിരക്കും താരതമ്യം ചെയ്ത് കൊണ്ടുള്ള ചിത്രം സഹിതമാണ് ശശി തരൂരിന്റെ പരിഹാസം.
2017-18 സാമ്പത്തിക വർഷത്തിൽ താടി കുറവുണ്ടായിരുന്നപ്പോൾ 8.1 ശതമാനമായിരുന്നു ഇന്ത്യയുടെ സാമ്പത്തിക വളർച്ച. അടുത്ത വർഷം താടി അൽപ്പം നീണ്ടു. വിവിധ പാദങ്ങളിലായി ജിഡിപി ആറു ശതമാനത്തിനും താഴെയായി കൂപ്പു കുത്തി. 2019-20 സാമ്പത്തിക വർഷത്തിന്റെ രണ്ടാം പാദത്തിൽ 4.5 ശതമാനമായും ഇടിഞ്ഞു. അപ്പോഴേക്കും പ്രധാനമന്ത്രിയുടെ താടിക്ക് നീളം കൂടിയെന്നും ചിത്രത്തിൽനിന്നു വ്യക്തം. 2017 മുതലുള്ള പ്രധാനമന്ത്രിയുടെ അഞ്ച് ചിത്രങ്ങളാണ് ട്വീറ്റിലുള്ളത്.
This is what is meant by a “graphic illustration”! pic.twitter.com/QYyA2lN2W0
— Shashi Tharoor (@ShashiTharoor) March 2, 2021
എന്നാൽ ഡിസംബറിൽ അവസാനിച്ച സാമ്പത്തിക വർഷത്തിന്റെ കഴിഞ്ഞ പാദത്തിൽ രാജ്യത്തിന്റെ ജിഡിപിയിൽ 0.4 ശതമാനം വർധനയുണ്ടായിരുന്നു. തുടർച്ചയായ രണ്ട് പാദങ്ങളിലെ ഇടിവിന് ശേഷമാണ് സാമ്പത്തിക വളർച്ച നിരക്ക് തിരിച്ച് കയറിയത്.
Post Your Comments