ഇമ്രാന് അനുകൂലമായി വോട്ട് ചെയ്യാൻ പാകിസ്ഥാൻ മന്ത്രിമാരെ കണ്ടെയ്നറിൽ പൂട്ടിയിട്ടു

പാകിസ്ഥാൻ പ്രധാനമന്ത്രി ഇമ്രാൻ ഖാനെതിരെ കടുത്ത ആരോപണവുമായി പി.എം.എൽ-എൻ വൈസ് പ്രസിഡന്റ് മറിയം നവാസ്. രഹസ്യാന്വേഷണ ഏജൻസികളുടെ സഹായം സർക്കാർ വിശ്വാസവോട്ടെടുപ്പിന് ഉപയോഗിച്ചെന്നും അവർ കുറ്റപ്പെടുത്തി. തന്റെ സർക്കാരിനെ തകർച്ചയിൽ നിന്ന് രക്ഷിക്കാൻ പ്രധാനമന്ത്രി നിയമവിരുദ്ധമായ മാർഗ്ഗങ്ങൾ ഉപയോഗിച്ചുവെന്ന് ആരോപിച്ച പ്രതിപക്ഷ നേതാവ്, പ്രധാനമന്ത്രിക്ക് വോട്ട് ചെയ്യുന്നതിനെ എതിർത്ത ദേശീയ അസംബ്ലിയിലെ (എം‌എൻ‌എ) 2 അംഗങ്ങളെ അധികൃതർ 4 മണിക്കൂർ കണ്ടെയ്നറിൽ പൂട്ടിയിട്ടുവെന്ന് ആരോപിച്ചു.

അവർ സമ്മർദ്ദത്തിലാകുന്നത് വരെ അവരെ വിട്ടയച്ചില്ല എന്നും അവർ കുറ്റപ്പെടുത്തി. ഒരു പത്രസമ്മേളനത്തിൽ സംസാരിക്കവേയാണ് , പി‌എം‌എൻ-എൻ മേധാവിയുടെയും മുൻ പ്രധാനമന്ത്രി നവാസ് ഷെരീഫിന്റെ മകളുമായ മറിയം നവാസ് ഇത്തരം ഗുരുതരമായ ആരോപണങ്ങൾ ഉന്നയിച്ചത്. ചില സർക്കാർ പ്രതിനിധികൾ തങ്ങളുടെ പാർട്ടിയുമായി “ബന്ധപ്പെടുന്നു” എന്നും പ്രധാനമന്ത്രിയുടെ നിർദേശപ്രകാരം രഹസ്യ സേവന ഏജന്റുമാർ ശനിയാഴ്ചത്തെ വിശ്വാസ വോട്ടെടുപ്പിന് മുന്നോടിയായി എം‌എൽ‌എമാരെ മാറ്റിയെന്നും അവർ ആരോപിച്ചു.

read also: നല്ലവർ ആയാലും മദർ തെരേസയെപ്പോലുള്ളവർ മുസ്ലീം അല്ലാത്തതിനാൽ നരകത്തിൽ പോകും: സാക്കിർ നായിക്

ദേശീയ അസംബ്ലി സമ്മേളനത്തിന് തലേന്ന് രാത്രി ഇമ്രാൻ ഖാൻ തന്റെ മന്ത്രിമാരെ നിരീക്ഷിക്കാൻ ഡ്രോൺ ക്യാമറകൾ ഉപയോഗിച്ചതായി മറിയം നവാസ് പറഞ്ഞു. “യൂസഫ് റാസ ഗില്ലാനിയുടെ തിരഞ്ഞെടുപ്പിൽ നിങ്ങൾക്കെതിരെ വോട്ട് ചെയ്ത അംഗങ്ങൾ, രണ്ട് ദിവസത്തിനുള്ളിൽ തീരുമാനം മാറ്റിയത് എങ്ങനെ ?” അവരെ സമ്മർദ്ദത്തിലാക്കിയാണ് വോട്ട് അനുകൂലമാക്കിയതെന്നു മറിയം ആവർത്തിച്ചു.