കണ്ണൂർ വിമാനത്താവളത്തിൽ 1.5 കിലോ സ്വർണ്ണവുമായി മലപ്പുറം, മാനന്തവാടി സ്വദേശികൾ പിടിയിൽ

ക​ണ്ണൂ​ര്‍ രാ​ജ്യാ​ന്ത​ര വി​മാ​ന​ത്താ​വ​ള​ത്തി​ല്‍ ര​ണ്ടു​പേ​രി​ല്‍നി​ന്നാ​യി 70 ല​ക്ഷം രൂ​പ വിലവരുന്ന 1.5 കി​ലോ സ്വ​ര്‍ണം പി​ടി​കൂ​ടി. മാ​ന​ന്ത​വാ​ടി പാ​ണ​വ​ള്ളി സ്വ​ദേ​ശി ഷൗ​ക്ക​ത്ത​ലി, മ​ല​പ്പു​റം സ്വ​ദേ​ശി മു​ഹ​മ്മ​ദ് ഷാ​ക്കി എ​ന്നി​വ​രി​ല്‍നി​ന്നാ​ണ് സ്വ​ര്‍ണം പി​ടി​കൂ​ടി​യ​ത്.

ദുബായിൽ നി​ന്നെ​ത്തി​യ​ ഇ​രു​വ​രി​ല്‍നി​ന്നു​മാ​യി ഒ​ന്നേ​മു​ക്കാ​ല്‍ കി​ലോ​യോ​ളം സ്വ​ര്‍ണ ​മി​ശ്രി​ത​മാ​ണ് ക​സ്​​റ്റം​സ് ക​ണ്ടെ​ത്തി​യ​ത്. ഇ​രു​വ​രും മ​ല​ദ്വാ​ര​ത്തി​ല്‍ സ്വ​ര്‍ണ ​മി​ശ്രി​ത കാ​പ്‌​സ്യൂ​ളു​ക​ള്‍ ഒ​ളി​പ്പി​ച്ച്​ ക​ട​ത്തു​ക​യാ​യി​രു​ന്നു. മി​ശ്രി​ത​ത്തി​ല്‍നി​ന്ന് 572 ഗ്രാം, 945 ​ഗ്രാം എ​ന്നി​ങ്ങ​നെ മൊ​ത്തം 1517 ഗ്രാം ​സ്വ​ര്‍ണ​മാ​ണ് ല​ഭി​ച്ച​ത്.

കസ്റ്റംസ് അ​സി. ക​മീ​ഷ​ണ​ര്‍മാ​രാ​യ ഇ. ​വി​കാ​സ്, വി. ​നാ​യി​ക്, സൂ​പ്ര​ണ്ടു​മാ​രാ​യ കെ. ​സു​കു​മാ​ര​ന്‍, സി.​വി. മാ​ധ​വ​ന്‍, ഇ​ന്‍സ്‌​പെ​ക്ട​ര്‍മാ​രാ​യ എ​ന്‍. അ​ശോ​ക് കു​മാ​ര്‍, കെ.​വി. രാ​ജു, ബി. ​യ​ദു​കൃ​ഷ്ണ, സോ​ണി​ത്കു​മാ​ര്‍ എ​ന്നി​വ​രു​ടെ നേ​തൃ​ത്വ​ത്തി​ലാ​ണ് സ്വ​ര്‍ണം പി​ടി​കൂ​ടി​യ​ത്. ഈ ​വ​ര്‍ഷം മാ​ത്രം ക​ണ്ണൂ​രി​ല്‍നി​ന്ന് 15.22 കി​ലോ സ്വ​ര്‍ണമാണ് പിടി​കൂ​ടിയത്.