Latest NewsIndiaEntertainment

മഹാമാരിയെ ചെറുക്കാൻ ജനസംഖ്യാ നിയന്ത്രണവും ആവശ്യം, ഇന്ദിരാ ഗാന്ധി അത് ചെയ്തത് കൊണ്ട് അവർ കൊല്ലപ്പെട്ടു – കങ്കണ

അമേരിക്കയില്‍ 32 കോടി ജനങ്ങളുണ്ട്​. എന്നാല്‍ ഇന്ത്യയുമായി താരതമ്യപ്പെടുത്തുമ്പോള്‍ ഭൂമിയും വിഭവങ്ങളും അവര്‍ക്ക്​ മൂന്നിരട്ടിയാണ്.

ന്യൂഡൽഹി: രാജ്യത്തെ കൊവിഡ് വ്യാപനം തീവ്രമായത് ജനസംഖ്യ കൂടിയതിനാലും അവശ്യ ഭൂമിയും വിഭവങ്ങളും ഇല്ലാത്തതിനാലുമെന്ന് നടി കങ്കണ റണാവത്ത്. ‘ജനസംഖ്യാ നിയന്ത്രണത്തിന് കര്‍ശനമായ നിയമം ആവശ്യമാണ്. ഇന്ദിരാഗാന്ധി തെരഞ്ഞെടുപ്പില്‍ പരാജയപ്പെട്ടതും പിന്നീട്​ കൊല്ലപ്പെട്ടതും ആളുകളെ നിര്‍ബന്ധിച്ച്‌​ വന്ധ്യംകരിച്ചത്​ കൊണ്ടാണ്​. എന്നാല്‍ ഇന്നത്തെ പ്രതിസന്ധി പരിഗണിക്കുമ്പോള്‍ അങ്ങനെ ചെയ്യാതെ നിയമപരമായി മൂന്നാമത്തെ കുട്ടിയുള്ളവര്‍ക്ക്​ പിഴയോ തടവോ ഉണ്ടായിരിക്കണം’ -കങ്കണ ട്വീറ്റ്​ ചെയ്​തു.

‘അമേരിക്കയില്‍ 32 കോടി ജനങ്ങളുണ്ട്​. എന്നാല്‍ ഇന്ത്യയുമായി താരതമ്യപ്പെടുത്തുമ്പോള്‍ ഭൂമിയും വിഭവങ്ങളും അവര്‍ക്ക്​ മൂന്നിരട്ടിയാണ്. ചൈനക്ക്​ ഇന്ത്യയേക്കാള്‍ ജനസംഖ്യയുണ്ടാകാം. എന്നാല്‍ അവിടെയും ഭൂമിയും വിഭവങ്ങളും ഏകദേശം മൂന്നിരട്ടിയാണ്. എന്നാൽ ഇന്ത്യയിൽ ജനസംഖ്യ പ്രശ്നം വളരെ രൂക്ഷമാണ്. ഇന്ദിര ഗാന്ധി ദശലക്ഷക്കണക്കിന് ആളുകളെ വന്ധ്യംകരിച്ചെങ്കിലും അവര്‍ കൊല്ലപ്പെട്ടു. രാജ്യത്തെ എങ്ങനെ കൈകാര്യം ചെയ്യാനാവുമെന്ന് എനിക്ക്​ പറഞ്ഞു തരൂ?’ -അതിന്​ മുമ്പ്​ പങ്കുവെച്ച ട്വീറ്റില്‍ കങ്കണ എഴുതി.

read also: അവളുടെ ജീവൻ ആപത്തിലാണെന്നുള്ളതിന് എല്ലാം തെളിവുകളും ഉണ്ട്; വെളിപ്പെടുത്തലുമായി കൗൺസിലിംഗ് നടത്തിയ സൈക്കോളജിസ്റ്റ്

‘ജനസംഖ്യ വര്‍ധനവ്​ കാരണമാണ്​ രാജ്യത്തെ ജനങ്ങള്‍ മരിക്കുന്നത്​. കണക്കുകള്‍ പ്രകാരമുള്ള 130 കോടിക്ക്​ പുറമെ മൂന്നാം ലോക രാജ്യത്ത്​ 25 കോടി അനധികൃത കുടിയേറ്റക്കാരുമുണ്ട്. കോറോണ വൈറസിനെതിരെ പൊരുതാന്‍ നമുക്ക്​ മികച്ച നേതൃത്വവും വാക്​സിനേഷന്‍ യജ്ഞവുമുണ്ട്​. എന്നാല്‍ നമുക്കും ഉത്തരവാദിത്തമില്ലേ ​’ -അവര്‍ മറ്റൊരു ട്വീറ്റില്‍ പറഞ്ഞു​.

read also: നി​ങ്ങ​ള്‍​ക്ക്​ സ്വ​ര്‍​ഗം കി​ട്ട​ണോ? എങ്കിൽ സിപിഎം,കോൺഗ്രസ്, ഐഎ​സ്എ​ഫ് സഖ്യത്തിന് വോട്ടുചെയ്യണമെന്ന് അബ്ബാസ് സിദ്ദീഖി

പുതുതായി ഒരുങ്ങുന്ന ചിത്രത്തില്‍ ഇന്ദിര ഗാന്ധിയുടെ വേഷം അഭിനയിക്കാന്‍ പോകുകയാണെന്ന്​ അടുത്തിടെ കങ്കണ സമൂഹ മാധ്യമങ്ങളിലൂടെ പ്രഖ്യാപിച്ചിരുന്നു.മുന്‍ തമിഴ്​നാട്​ മുഖ്യമന്ത്രി ജെ. ജയലളിതയുടെ ജീവിത കഥ പറയുന്ന ‘തലൈവി’യിലാണ്​ കങ്കണയുടേതായി പുറത്തിറങ്ങാന്‍ പോകുന്ന ചിത്രം. മൂന്ന്​ ഭാഷകളിലായി റിലീസ്​ ചെയ്യുന്ന ചിത്രം എ.എല്‍. വിജയ്​ ആണ്​ സംവിധാനം ചെയ്​തിരിക്കുന്നത്​.

Related Articles

Post Your Comments


Back to top button