Latest NewsInternationalVideos

എസ്‌കലേറ്ററില്‍ നിന്നും വീഴാന്‍ പോയ വയോധികന് രക്ഷകയായി യുവതി- വീഡിയോ

ബെയ്ജിങ്: യുവതിയുടെ സമയോചിതമായുള്ള ഇടപെടലില്‍ വയോധികന്‍ രക്ഷപ്പെട്ടു. ചൈനയിലാണ് സംഭവം. വീല്‍ചെയറില്‍ എസ്‌കലേറ്ററിലൂടെ വരികയായിരുന്ന വൃദ്ധനാണ് താഴേക്ക് ഉരുണ്ടുവന്നത്. യുവതി തക്കസമയത്ത് ഓടിച്ചെന്ന് വീല്‍ചെയര്‍ തടഞ്ഞു നിര്‍ത്തുകയായിരുന്നു. സംഭവത്തിന്റെ വീഡിയോ സോഷ്യല്‍മീഡിയയില്‍ വൈറലായി. നിരവധി പേരാണ് യുവതിയെ അഭിനന്ദിച്ച് രംഗത്തെത്തിയത്. സൂപ്പര്‍മാര്‍ക്കറ്റില്‍ വെച്ചാണ് സംഭവം.

വൃദ്ധന്‍ അബദ്ധത്തില്‍ എസ്‌കലേറ്ററില്‍ നിന്ന് താഴേക്ക് പതിക്കുകയായിരുന്നു. ഒപ്പമുണ്ടായിരുന്ന കുട്ടിയും വീണു. ഇവരുടെ നിലവിളി കേട്ടാണ് കൗണ്ടറിലുണ്ടായിരുന്ന ജീവനക്കാരനും യുവതിയും എസ്‌കലേറ്ററിന് സമീപത്തേക്ക് ഓടിയത്. യുവതി ഓടിച്ചെന്ന് വീല്‍ച്ചെയര്‍ തടഞ്ഞ് നിര്‍ത്തി വയോധികനെ സംരക്ഷിച്ചതിന് ശേഷം കുട്ടിയെ പിടിച്ചെഴുന്നേല്‍പ്പിച്ചു. ‘ എനിക്ക് പരിക്കേല്‍ക്കുമോയെന്ന് ഞാന്‍ കാര്യമാക്കിയതേയില്ല. അവരെ സംരക്ഷിക്കുകയായിരുന്നു ലക്ഷ്യം’ യുവതി മാധ്യമങ്ങളോട് പ്രതികരിച്ചു. വയോധികന് പരിക്കുകളൊന്നുമില്ല. കുട്ടിക്ക് നിസാര പരിക്കേറ്റിട്ടുണ്ട്.

Related Articles

Post Your Comments


Back to top button