‘മേള രഘു’ ഗുരുതരാവസ്ഥയിൽ; സഹായം പ്രതീക്ഷിച്ച്​ കുടുംബം

ചേ​ര്‍​ത്ത​ല: മെ​ഗാ​സ്​​റ്റാ​ര്‍ മ​മ്മൂ​ട്ടി​യു​മൊ​ന്നി​ച്ച്‌ സി​നി​മ ജീ​വി​ത​ത്തി​ന് തു​ട​ക്ക​മി​ട്ട ‘മേ​ള ര​ഘു’ ഗു​രു​ത​രാ​വ​സ്ഥ​യി​ലെന്നു റിപ്പോർട്ട് . സി​നി​മ​മേ​ഖ​ല​യി​ലു​ള്ള​വ​ര്‍ സ​ഹാ​യ​വു​മാ​യി എ​ത്തു​മെ​ന്ന പ്ര​തീ​ക്ഷ​യി​ലാ​ണ്​ കു​ടും​ബം.ചേ​ര്‍​ത്ത​ല ന​ഗ​ര​സ​ഭ 18ാം വാ​ര്‍​ഡി​ല്‍ പു​ത്ത​ന്‍ വെ​ളി ര​ഘു​വാ​ണ്​ (ശ​ശി​ധ​ര​ന്‍-60 ) മ​ര​ണ​ത്തോ​ട്​ മ​ല്ല​ടി​ക്കു​ന്ന​ത്. ഏ​ഴ് ദി​വ​സ​മാ​യി അ​ബോ​ധാ​വ​സ്ഥ​യി​ലാ​ണ്. ക​ഴി​ഞ്ഞ16​ന് ര​ഘു വീ​ട്ടി​ല്‍ കു​ഴ​ഞ്ഞു​വീ​ഴു​ക​യാ​യി​രു​ന്നു.

തു​ട​ര്‍​ന്ന്​ ചേ​ര്‍​ത്ത​ല താ​ലൂ​ക്കാ​ശു​പ​ത്രി​യി​ലും എ​റ​ണാ​കു​ള​ത്തെ സ്വ​കാ​ര്യ ആ​ശു​പ​ത്രി​യി​ലും പ്ര​വേ​ശി​പ്പി​ച്ചു. കെ.​ജി. ജോ​ര്‍​ജ്​ സം​വി​ധാ​നം ചെ​യ്ത ‘മേ​ള’ എ​ന്ന സി​നി​മ​യി​ല്‍ തിളങ്ങിയ ര​ഘു​ അ​ഭി​ന​യ​ത്തി​ന്റെ നാ​ല് പ​തി​റ്റാ​ണ്ട് പൂ​ര്‍​ത്തീ​ക​രി​ച്ച വേ​ള​യി​ലാ​ണ് ദു​രി​ത​മെ​ത്തി​യ​ത്. തീ​വ്ര​പ​രി​ച​ര​ണ വി​ഭാ​ഗ​ത്തി​ല്‍ ക​ഴി​യു​ന്ന ര​ഘു​വിന്റെ ചി​കി​ത്സ​യു​മാ​യി ബ​ന്ധ​പ്പെ​ട്ട് ല​ക്ഷ​ങ്ങ​ള്‍ ബ​ന്ധു​ക്ക​ള്‍ ചെ​ല​വ​ഴി​ച്ചു. സാ​മ്പ​ത്തി​ക​മാ​യി ത​ക​ര്‍​ച്ച നേ​രി​ടു​ന്ന കു​ടും​ബ​ത്തി​ന്​ ഇ​ത്​ താ​ങ്ങാ​വു​ന്ന​തി​ലും അ​പ്പു​റ​മാ​ണ്.

​എ​ട്ട് മാ​സം മുമ്പ് ദൃ​ശ്യ​ത്തി​ന്റെ ര​ണ്ടാം ഭാ​ഗ​ത്തി​ല്‍ മോ​ഹ​ന്‍​ലാ​ലു​മൊ​ത്ത് വേ​ഷം ചെ​യ്ത് ശ്ര​ദ്ധ​നേ​ടി​യി​രു​ന്നു. ര​ഘു 35ലധി​കം ചി​ത്ര​ങ്ങ​ളി​ല്‍ വേ​ഷ​മി​ട്ടി​ട്ടു​ണ്ട്. കെ.പി.എ.സി നാടക തമ്പിലും ഇടംപിടിച്ചു. ദൂരദര്‍ശന്‍ നിര്‍മിച്ച സീരിയല്‍ ‘വേലുമാലു സര്‍ക്കസി’ല്‍ പ്രധാന വേഷം രഘുവിനെ തേടിയെത്തിയിരുന്നു. ‘അമ്മ സംഘടനയിൽ അംഗമായ രഘുവിന്റെ ചികിത്സാ സഹായത്തിനായി സംഘടനയെയോ താരങ്ങളെയോ അറിയിക്കണമെന്ന അഭ്യർത്ഥനയുമായി സോഷ്യൽ മീഡിയയിൽ സന്ദേശം പ്രചരിക്കുന്നുണ്ട്.