മരണം പിടിച്ചു കെട്ടാനാകാതെ ഡൽഹി ; പുറത്തു വരുന്നത് ഏറ്റവും ഉയർന്ന കണക്കുകൾ

ന്യൂഡല്‍ഹി: രാജ്യത്ത്​ കൊറോണ ​ൈവറസ്​ രണ്ടാം തരംഗത്തില്‍ വിറച്ച്‌​ ഡല്‍ഹി. രാജ്യതലസ്​ഥാനത്ത്​ കഴിഞ്ഞ 24 മണിക്കൂറിനിടെ 395 പേരാണ്​ കോവിഡ്​ മൂലം മരണത്തിന്​ കീഴടങ്ങിയത്​. ഏറ്റവും ഉയര്‍ന്ന പ്രതിദിന മരണസംഖ്യയാണിത്​. മരണനിരക്ക്​ ഉയര്‍ന്നതോടെ ഡല്‍ഹിയിലെ ശ്​മശാനങ്ങള്‍ക്ക്​ പുറത്ത്​ മൃതദേഹം ദഹിപ്പിക്കാനെത്തിയവരുടെ നീണ്ട നിരയാണ്​. അടിയന്തരമായി കൂടുതല്‍ സൗകര്യമേര്‍പ്പെടുത്താനുള്ള ഒരുക്കത്തിലാണ്​ ഡല്‍ഹി മുനിസിപ്പല്‍ കോര്‍പറേഷന്‍. മധ്യ ഡല്‍ഹിയിലെ ലോധി റോഡ്​ ശ്​മശാനത്തില്‍ ദിവസവും 75ഓളം മൃതദേഹങ്ങളാണ്​ സംസ്​കരിക്കുന്നത്​. നേരത്തേ ഇത്​ 15 മുതല്‍ 20 വരെയായിരുന്നു. ഇപ്പോള്‍ ഇരട്ടിയിലും അധികമായി.

Also Read:സര്‍വേകള്‍ സത്യമായാല്‍ കോൺഗ്രസിനെ കാത്തിരിക്കുന്നത് വൻ തകർച്ച: പ്രതിപക്ഷസ്ഥാനം ലീഗിന് പോകും

അതിനാല്‍​ ​േടാക്കണ്‍ സംവിധാനം ഏര്‍പ്പെടു​ത്തിയതായി ശ്​മശാന നടത്തിപ്പുകാരനായ മനീഷ്​ പറയുന്നു. ഓക്​സിജന്‍ ക്ഷാമമാണ്​ ഡല്‍ഹി നേരിടുന്ന പ്രതിസന്ധിക്ക്​ കാരണം. മിക്ക ആശുപത്രികളിലും രോഗികളെകൊണ്ട്​ നിറഞ്ഞതോടെ ഓക്​സിജന്‍ ക്ഷാമം ​രൂക്ഷമായി. 24 മണിക്കൂറിനിടെ 24,235 പേര്‍ക്കാണ്​ ഡല്‍ഹിയില്‍ കോവിഡ്​ സ്​ഥിരീകരിച്ചത്​. പോസിറ്റിവിറ്റി നിരക്ക്​ 33 ശതമാനമായി ഉയര്‍ന്നു. 97,977പേരാണ്​ കോവിഡ്​ ബാധിച്ച്‌​ ചികിത്സയിലുള്ളതെന്നും ആരോഗ്യവകുപ്പ്​ അറിയിച്ചിരുന്നു.

രാജ്യത്ത്​ നാളെ മുതല്‍ 18 വയസുവരെയുള്ളവര്‍ക്ക്​ വാക്​സിനേഷന്‍ ആരംഭിക്കും. അടുത്ത ഘട്ട വാക്​സിനേഷന്‍ ആരംഭിക്കാന്‍ മതിയായ വാക്​സിനുകള്‍ സംസ്​ഥാനത്തിന്​ ലഭിച്ചിട്ടില്ലെന്ന്​ ആരോഗ്യമ​ന്ത്രി സത്യേന്ദര്‍ ജെയിന്‍ പറഞ്ഞു. വാക്​സിന്‍ നിര്‍മാതാക്കളുമായി കരാറില്‍ ഏര്‍പ്പെട്ടതായും മന്ത്രി അറിയിച്ചു. സംസ്​ഥാനത്ത്​ 18 വയസിന്​ മുകളിലുള്ളവര്‍ക്കും വാക്​സിന്‍ സൗജന്യമായിരിക്കുമെന്ന്​ മുഖ്യമന്ത്രി അരവിന്ദ്​ കെജ്​രിവാള്‍ തിങ്കളാഴ്ച പ്രഖ്യാപിച്ചിരുന്നു.