പരിക്കിനെ തുടർന്ന് ഏറെ കാലമായി ടീമിൽ നിന്ന് പുറത്തു നിൽക്കുന്ന ബാഴ്സലോണ താരം അൻസു ഫാതി ശസ്ത്രക്രിയക്ക് വിധേയനായി. പോർട്ടോയിൽ വെച്ചാണ് യുവതാരം ശസ്ത്രക്രിയക്ക് വിധേയനാത്. ബാഴ്സലോണ തന്നെയാണ് യുവതാരം ശസ്ത്രക്രിയക്ക് വിധേയനായ കാര്യം സോഷ്യൽ മീഡിയയിലൂടെ അറിയിച്ചത്. ബാഴ്സലോണ ക്ലബ് ഡോക്ടർമാരുടെ സാന്നിദ്ധ്യത്തിലാണ് പോർട്ടോയിൽ വെച്ച് താരത്തിന്റെ ശസ്ത്രക്രിയ നടന്നത്.
കഴിഞ്ഞ നവംബർ മുതൽ പരിക്കിനെ തുടർന്ന് അൻസു ഫാതി ടീമിന് പുറത്തായിരുന്നു. പരിക്ക് മാറി നാലു മാസത്തിനുള്ള തിരിച്ചെത്തുമെന്ന് കരുതിയെങ്കിലും ഫിറ്റ്നസ് വീണ്ടെടുക്കാൻ താരത്തിനായില്ല. തുടർന്ന് വീണ്ടും ശസ്ത്രക്രിയക്ക് വിധേയനാവാൻ താരം തീരുമാനിച്ചത്. ശസ്ത്രക്രിയക്ക് വിധേയനായതോടെ താരത്തിന് ഈ വർഷം നടക്കുന്ന യൂറോ കപ്പ് നഷ്ടമാകും.
Post Your Comments