ഒരു വാഴ ഒഴികെ മറ്റെല്ലാം പിഴുതെറിഞ്ഞ് കാട്ടാനക്കൂട്ടം; കാരണമറിഞ്ഞ് അതിശയിച്ച് പ്രദേശവാസികൾ

ചെന്നൈ : നാട്ടിലിറങ്ങി കാട്ടാനകൾ കൃഷിയിടങ്ങള്‍ നശിപ്പിക്കുന്നത് പലപ്പോഴും വാര്‍ത്തകളില്‍ ഇടം നേടാറുണ്ട്. ഇപ്പോഴിതാ അത്തരത്തിലൊരു വാര്‍ത്തയുടെ വീഡിയോ ആണ് ഇപ്പോള്‍ സോഷ്യല്‍ മീഡിയയിൽ വൈറലായിരിക്കുന്നത്‌.

തമിഴ്‌നാട്ടിലാണ് സംഭവം നടന്നത്. ഒരു ഗ്രാമത്തിലെത്തിയ ഒരു കൂട്ടം കാട്ടാനകൾ പറമ്പിലെ ഒട്ടുമിക്ക വാഴകളും ചവിട്ടിമെതിച്ചു. എന്നാല്‍ കൂട്ടത്തിൽ ഒരു വാഴയെ മാത്രം കാട്ടാനക്കൂട്ടം വെറുതെ വിട്ടു. കാട്ടാനക്കൂട്ടം സ്ഥലം വിട്ട ശേഷം അവിടെയെത്തിയ നാട്ടുകാരാണ് ഒരു വാഴ മാത്രം നശിക്കാതെ നിൽക്കുന്നത് ശ്രദ്ധിച്ചത്. പരിശോധിച്ചപ്പോള്‍ കുലച്ചു നിൽക്കുന്ന വാഴക്കുലയുടെ ഇടയിൽ ഒരു കിളിക്കൂട് നാട്ടുകാർ കണ്ടെത്തി. അതിൽ മൂന്ന് കിളി കുഞ്ഞുങ്ങളുമുണ്ടായിരുന്നു.

 

This is the reason as to why elephants are called gentle giants. Destroyed all the banana trees , except the one having nests.
Gods amazing Nature🙏

(Shared by ⁦@Gowrishankar005⁩) pic.twitter.com/iK2MkOuvaM

— Susanta Nanda IFS (@susantananda3) May 7, 2021

പറക്കമുറ്റാത്ത കിളിക്കുഞ്ഞുങ്ങൾക്ക് അപകടം സംഭവിക്കാതിരിക്കാനാകാം ആ വാഴയിൽ തൊടാതെ ബാക്കിയുള്ളത് മാത്രം കാട്ടാനക്കൂട്ടം പിഴുതെറിഞ്ഞത് എന്നും നാട്ടുകാർ പറയുന്നു. പ്രാദേശിക വാർത്ത ചാനൽ വീഡിയോ സഹിതം വാർത്ത റിപ്പോര്‍ട്ട് ചെയ്തതോടെയാണ് സംഭവം വൈറലായത്.