KeralaLatest NewsNews

ഒരു കുഴല്‍ ഇട്ടാല്‍ അങ്ങോട്ടും ഇങ്ങോട്ടും, കുഴല്‍പ്പണ കേസില്‍ ബിജെപിയേയും സിപിഎമ്മിനേയും ട്രോളി പി.കെ.കുഞ്ഞാലിക്കുട്ടി

തിരുവനന്തപുരം: കൊടകര കുഴല്‍പ്പണക്കേസില്‍ പ്രതികരണവുമായി മുസ്ലിംലീഗ് നേതാവ് പി.കെ . കുഞ്ഞാലിക്കുട്ടി. കുഴല്‍പ്പണ കേസ് ദേശീയ പ്രാധാന്യമുള്ള വിഷയമാണെന്ന് അദ്ദേഹം പറഞ്ഞു. നഗ്‌നമായ അഴിമതിയുടെ ഉദാഹരണമാണ് കേരളത്തില്‍ സംഭവിച്ചിരിക്കുന്നതെങ്കിലും സംസ്ഥാന സര്‍ക്കാര്‍ ഇതിന് വലിയ ഗൗരവം നല്‍കുന്നില്ലെന്നാണ് മുഖ്യമന്ത്രിയുടെ നിയമസഭയിലെ മറുപടിയില്‍ നിന്ന് വ്യക്തമാകുന്നതെന്നും അദ്ദേഹം മാദ്ധ്യമങ്ങളോട് പറഞ്ഞു.

Read Also : ബി.ജെ.പിയെ വെട്ടിലാക്കാന്‍ കരുക്കള്‍ നീക്കി സി.പി.എം, അഴിമതിക്കേസില്‍ അബ്ദുള്ള കുട്ടിയെ കുരുക്കുമെന്ന് എം.വി.ജയരാജന്‍

ഞെട്ടിക്കുന്ന ഒരു സംഭവം കയ്യോടെ പിടികൂടിയിട്ടും അതിനെ ഗൗരവമായി കാണാന്‍ സര്‍ക്കാര്‍ കൂട്ടാക്കുന്നില്ലെന്ന് കുഞ്ഞാലിക്കുട്ടി ആരോേപിച്ചു. ഒരു ‘കുഴല്‍’ ഇട്ടാല്‍ അങ്ങോട്ടും ഇങ്ങോട്ടുമായി എന്ന അവസ്ഥയാണ് കേരളത്തില്‍ ബി.ജെ.പി സി.പി.എമ്മും തമ്മിലുള്ളത്. കള്ളപ്പണം ഇല്ലാതാക്കാനാണ് നോട്ട് നിരോധനമെന്ന് പറഞ്ഞ ബിജെപി പണം ഒഴുക്കുകയാണ്. അങ്ങനെയെങ്കില്‍ പാവപ്പെട്ട ജനങ്ങള്‍ മുഴുവന്‍ കണ്ണീരുകുടിച്ച നോട്ട് നിരോധനം എന്തിനായിരുന്നുവെന്നും പികെ കുഞ്ഞാലിക്കുട്ടി ചോദിച്ചു

shortlink

Related Articles

Post Your Comments


Back to top button