KeralaNattuvarthaLatest NewsNews

‘മകന്‍ ആഗ്രഹിച്ച കാർ നൽകിയില്ല, നല്കാമെന്നേറ്റ മുഴുവൻ സ്വർണ്ണവും നൽകിയില്ല’: ആരോപണവുമായി കിരണിന്റെ അച്ഛൻ

വിസ്മയയുടേത് കൊലപാതകമാണെന്ന ആരോപണവുമായി മാതാപിതാക്കളും സഹോദരനും രംഗത്തെത്തിയിരുന്നു

കൊല്ലം: കൊല്ലത്ത് സ്ത്രീധന പീഡനത്തെത്തുടർന്ന് മരണപ്പെട്ട വിസ്മയയുടെ കുടുംബത്തിനെതിരെ കിരണിന്റെ അച്ഛൻ. വിസ്മയയുടെ കുടുംബം സ്ത്രീധനമായി നല്‍കാമെന്നേറ്റ അത്രയും സ്വര്‍ണം നല്‍കിയില്ലെന്ന് കിരണിന്റെ അച്ഛന്‍ സദാശിവന്‍പിള്ള പറഞ്ഞു. മകന്‍ ആഗ്രഹിച്ച കാറല്ല അവര്‍ നല്‍കിയതെന്നും വിസ്മയയുമായി മകന്‍ കാറിനെ ചൊല്ലി വഴക്കിട്ടിരുന്നതായും സദാശിവന്‍പിള്ള പറഞ്ഞു.

പ്രശ്‌ന പരിഹാരത്തിന് വിസ്മയയുടെ വീട്ടുകാര്‍ ശ്രമിച്ചില്ലെന്നും സ്വര്‍ണത്തിന്റെ പേരില്‍ കിരണ്‍ വിസ്മയയുമായി വഴക്കിട്ടിട്ടില്ലെന്നും പിതാവ് വ്യക്തമാക്കി. കഴിഞ്ഞ ദിവസമാണ് വിസ്മയയെ ഭര്‍തൃവീട്ടിലെ ശുചിമുറിയിൽ മരിച്ച നിലയില്‍ കണ്ടെത്തിയത്. അതേസമയം, വിസ്മയയുടേത് കൊലപാതകമാണെന്ന ആരോപണവുമായി മാതാപിതാക്കളും സഹോദരനും രംഗത്തെത്തിയിരുന്നു. പ്രാഥമിക തെളിവുകളുടെ അടിസ്ഥാനത്തിൽ കിരണിന്റെ അറസ്റ്റ് പൊലീസ് രേഖപ്പെടുത്തി.

shortlink

Related Articles

Post Your Comments


Back to top button