Latest NewsNewsGulf

ഭീകരവാദമെന്നത്​ ആഗോള പ്രതിഭാസമാണ്: പ്രത്യേക മതവുമായി ബന്ധപ്പെട്ടതല്ലെന്ന് ഒമാന്‍

ഭീകരവാദത്തിന്റെ കളങ്കമേല്‍ക്കാത്തവയാണ്​ മതങ്ങള്‍. ഭീകരവാദികളുടെ തീവ്ര ചിന്താഗതികള്‍ക്ക്​ മതവുമായി ബന്ധമില്ല.

മസ്​കത്ത്​: ഭീകരവാദമെന്നത്​ ആഗോള പ്രതിഭാസമാണെന്ന് ഒമാൻ. ഭീകരവാദത്തെ ഒരു പ്രത്യേക മതവുമായോ വിശ്വാസവുമായോ രാജ്യങ്ങളു​മായോ ജനങ്ങളുമായോ ബന്ധപ്പെടുത്താന്‍ കഴിയില്ലെന്ന് ഒമാ‍െന്‍റ യു.എന്നിലെ സ്​ഥിരം പ്രതിനിധി ഡോ.മുഹമ്മദ്​ അവധ്​ അല്‍ ഹസൻ പറഞ്ഞു. ഭീകരവാദത്തിനെതിരായ പോരാട്ടവുമായി ബന്ധപ്പെട്ട ഐക്യരാഷ്​ട്രസഭയുടെ രണ്ടാമത്​ ഉന്നതതല സമ്മേളനത്തില്‍ സംസാരിക്കവെയാണ് അദ്ദേഹം ഇക്കാര്യം വ്യക്തമാക്കിയത്.

‘ആഗോളതലത്തിലെ തീരാവ്യാധിയാണ്​ ഭീകരവാദം. മുഴുവന്‍ രാജ്യങ്ങളുടെയും സുരക്ഷയും ഭദ്രതയും ഇത്​ തകരാറിലാക്കുന്നു. അതിനാല്‍, ലോകരാജ്യങ്ങള്‍ ഒരുമിച്ച്‌​ ഇതിന്​ പരിഹാരം കണ്ടെത്തണം. ഭീകരവാദത്തിനെതിരെ ഇരട്ടത്താപ്പ്​ സമീപനം പാടില്ല​. അന്താരാഷ്​ട്ര സമൂഹം ഒത്തൊരുമയോടെ ഒരുമിച്ച്‌​ ഭീകരവാദത്തിനെതിരെ സംസാരിക്കണം’-​ ഡോ.മുഹമ്മദ്​ അവധ്​ അല്‍ ഹസന്‍ പറഞ്ഞു.

‘മുന്‍വിധികളുടെയും വംശീയതയുടെയും അടിസ്​ഥാനത്തിലുള്ള പ്രതികരണങ്ങളാണ്​ ഇന്ന്​ ആഗോള തലത്തിലുണ്ടാകുന്നത്​​. ഇത്​ ഇസ്​ലാമോഫോബിയക്കും മുസ്​ലിംകളോടുള്ള വെറുപ്പിനും മറ്റു​ മതസ്​ഥരോടും വിദേശികളോടുമുള്ള വിദ്വേഷത്തിനും വഴിയൊരുക്കുന്നു. അതിനാല്‍, ഇത്തരം മുന്‍വിധികളില്‍നിന്ന്​ ലോകം തിരിഞ്ഞുനടക്കണം. ഭീകരവാദത്തിന്റെ കളങ്കമേല്‍ക്കാത്തവയാണ്​ മതങ്ങള്‍. ഭീകരവാദികളുടെ തീവ്ര ചിന്താഗതികള്‍ക്ക്​ മതവുമായി ബന്ധമില്ല. എല്ലാ മതങ്ങളെയും അവയുടെ മൂല്യങ്ങളെയുമെല്ലാം ബഹുമാനിക്കണം. ആവിഷ്​കാര സ്വാതന്ത്ര്യമെന്നാല്‍ ആരെയും ​ഉപദ്രവിക്കുന്നതും അപമാനിക്കുന്നതും വെറുക്കുന്നതുമല്ല’- ഡോ.അവധ്​ പറഞ്ഞു.

Read Also: കോവിഡ് മരണം വർധിക്കുന്നു: കുവൈറ്റിൽ ആശങ്ക

‘ദാരിദ്ര്യവും അടിച്ചമര്‍ത്തലുകളും വംശീയതവും വെറുപ്പും വിദേശ അധിനിവേശവുമാണ്​ തീവ്രവാദത്തിനും ഭീകരവാദത്തിനും കാരണമാകുന്നത്​. അതിനാല്‍, നീതി ഉറപ്പുവരുത്തലും സാമൂഹിക അവബോധം വര്‍ധിപ്പിക്കലുമാണ്​ ഭീകരവാദത്തില്‍ നിന്ന്​ മോചനം ലഭിക്കാന്‍ വേണ്ട കാര്യങ്ങള്‍. ഇതിന്​ അന്താരാഷ്​ട്ര സമൂഹം ഒരുമിച്ച്‌​ പ്രവര്‍ത്തിക്കണം. അന്താരാഷ്​ട്ര നിയമങ്ങളുടെയും മനുഷ്യാവകാശങ്ങളുടെയും വ്യക്​തികളുടെയും സമൂഹങ്ങളുടെയും സ്വാതന്ത്ര്യത്തിലും അധിഷ്​ഠിതമായിരിക്കണം ഭീകരവാദത്തെ നേരിടുന്നതിനായുള്ള കര്‍മപദ്ധതി. അല്ലാത്തപക്ഷം വിജയം കാണിക്കണം’- ഡോ. മുഹമ്മദ്​ അവധ്​ അല്‍ ഹസന്‍ പറഞ്ഞു.

shortlink

Related Articles

Post Your Comments

Related Articles


Back to top button