‘ഇന്ധന ചിലവ്​ 30 ശതമാനംവരെ കുറയ്ക്കാം’:നിങ്ങൾ വാഹനമോടിക്കുന്നത് ഇങ്ങനെയാണോ?

തിരുവനന്തപുരം: ഇന്ധനവില കുതിക്കുമ്പോൾ വാഹനങ്ങളുടെ ഇന്ധനച്ചിലവ്​ 30 ശതമാനം വരെ കുറക്കാൻ ശ്രദ്ധിക്കേണ്ട കാര്യങ്ങൾ അടങ്ങിയ വീഡിയോ കേരള മോട്ടോർ വെഹിക്കിൾ ഡിപ്പാർട്ട്​മെൻറ്​ അവരുടെ ഫേസ്​ബുക്ക്​ പേജിൽ പങ്കുവെച്ചു. 10 വർഷം കൊണ്ട് പുതിയ വാഹനം വാങ്ങുന്നതിനുള്ള തുക ഈ തരത്തിൽ ലാഭിക്കാൻ കഴിയുമെന്നാണ്​ എം.വി.ഡി വ്യക്തമാക്കുന്നത്​. ഇതോടൊപ്പം അന്തരീക്ഷ മലിനീകരണം കുറക്കുന്നതിനും ഫോസിൽ ഇന്ധനങ്ങൾ സംരക്ഷിക്കുവാനും വാഹനത്തിന്റെ തേയ്​മാനം കുറക്കുന്നതിനും റോഡ് സുരക്ഷ ഉറപ്പ് വരുത്തുന്നതിനും ഈ രീതികൾ ഫലപ്രദമാണ്. പ്രധാനമായും ഡ്രൈവിംഗുമായി ബന്ധപ്പെട്ടവ, വാഹനവുമായി ബന്ധപ്പെട്ടവ, മറ്റ് കാര്യങ്ങൾ എന്നിങ്ങനെ ഇവയെ മൂന്നായി തരം തിരിക്കാം.

ഇക്കോണമി റേഞ്ചിൽ വാഹനം ഓടിക്കുന്നത്​ ശീലമാക്കുക. അമിത വേഗത ഒഴിവാക്കിയാൽ 10 ശതമാനം ഇന്ധനം ലാഭിക്കാനാവും. പ്രത്യേകിച്ചും വളവും തിരിവും കയറ്റവും ഇറക്കവും ഉള്ള റോഡുകളിൽ ഇത്​ വളരെ പ്രധാനമാണ്​. മോട്ടോർ സൈക്കിളുകൾ 40 കിലോമീറ്റർ സ്​പീഡിലും കാറുകളും മറ്റും 50 കിലോമീറ്റർ വേഗതയിലുമാണ്​ ഓടിക്കേണ്ടത്​.

ചിത്രകലയുടെ ഭാവനാ ഗോപുരത്തിൽ പ്രകാശം പരത്തുന്ന ഒരു വാൽ നക്ഷത്രമായി ഇന്നും നിറഞ്ഞു നിൽക്കുന്ന വാൻഗോഗ്

വേഗത വർധിക്കുന്തോറും മൈലേജ്​ കുറയും. വാഹനത്തിന്റെ വേഗത 60 കിലോമീറ്ററിൽ എത്തിയാൽ 7.5 ശതമാനവും 70ൽ എത്തിയാൽ 22 ശതമാനവും 80ൽ എത്തുമ്പോൾ 40 ശതമാനവും 90 കിലോമീറ്ററിലെത്തുമ്പോൾ 63 ശതമാനവും അധികമായി ഇന്ധനനഷ്​ടം ഉണ്ടാകും. വാഹനം ഓടിക്കുമ്പോൾ ഇന്ധനം ലാഭിക്കാനുള്ള പ്രധാന മാർഗം ആക്​സിലറേറ്ററിന്റെ യുക്​തിപരമായ ഉപയോഗമാണ്​. വേഗത കൂട്ടിയും കുറച്ചും ഓടിക്കുന്നതിന് പകരം ഒരേവേഗതയിൽ ക്രമീകരിച്ചാൽ ഇന്ധനം വളരെയധികം ലാഭിക്കാനാവും

റോഡിലെ സാഹചര്യങ്ങൾ മുൻകൂട്ടി കണ്ട് അനാവശ്യ ബ്രേക്കിംഗ് ഒഴിവാക്കുക. ഹെവി വാഹനം നിശ്​ചലാവസ്​ഥയിൽ നിന്ന്​ 80 കിലോമീറ്റർ വേഗതയാർജിക്കാൻ 100 മില്ലി ലിറ്റർ ഇന്ധനം ആവശ്യമാണ്​. ഓരോ തവണയും വേഗത​ കുറക്കുകയും കൂട്ടുകയും ചെയ്യുന്നത്​ ഭീമമായ ഇന്ധന നഷ്​ടത്തിന്​ ഇടയാക്കും. രണ്ട്​ കിലോമീറ്റർ സഞ്ചരിച്ചാലുള്ള അത്രയും ടയർ തേയ്​മാനം ഒരു പ്രാവശ്യം സഡൻ ബ്രേക്കിടുമ്പോൾ സംഭവിക്കുമെന്നാണ്​ കണക്ക്​.

വേഗതയ്ക്കനുസരിച്ചുള്ള ശരിയായ ഗിയറിൽ വാഹനമോടിക്കുക. കയറ്റത്തും ഇറക്കത്തും ഉചിതമായ ഗിയർ മാത്രം തിരഞ്ഞെടുക്കുക. ക്രൂസ്​ കൺട്രോൾ ഉള്ള വാഹനങ്ങളിൽ അത്​ പരീക്ഷിക്കുന്നതും മൈലേജ്​ വർധിപ്പിക്കും. കൃത്യമായ ഗിയർ മാറ്റം 20 ശതമാനം ഇന്ധനലാഭം ഉണ്ടാക്കും.

മുകേഷിനെ വിളിച്ച കുട്ടി മേയർ ആര്യയെ പോലെ ഒരു ബാലസംഘം പ്രവർത്തകനാണ്: പരിഹാസ കുറിപ്പ്

ട്രാഫിക്​ സിഗ്​നലുകളിലും മറ്റും 30 സെക്കൻഡിൽ അധികം വാഹനം നിർത്തിയിടേണ്ടിവന്നാൽ എഞ്ചിൻ ഓഫാക്കുന്നത്​ ശീലമാക്കാവുന്നതാണ്​. ഒരുമണിക്കൂർ വാഹനം ഓൺ ചെയ്തു നിർത്തുന്നത് രണ്ടു കിലോമീറ്റർ യാത്രക്കുള്ള ഇന്ധനം തീരുന്നതിന് ഇടയാക്കും​. ക്ലച്ച്​ പെഡലിലും ബ്രേക്കിലും കാലുവച്ച്​ ഒരിക്കലും വാഹനം ഓടിക്കുന്നത് ശരിയായ പ്രവണതയല്ല.

വാഹനത്തിന്റെ രൂപമാറ്റം വരുത്തുന്നത് എയറോഡൈനാമിക്​ സ്വഭാവത്തിന്​ മാറ്റം വരുത്തും അതിനാൽ യാതൊരുവിധ മാറ്റങ്ങളും രൂപത്തിൽ വരുത്താതിരിക്കുക. അത്തരം എക്​സ്​ട്രാ ഫിറ്റിങ്ങുകളായ സ്​പോർട്ടി ബമ്പർ, അധിക സ്​പോയിലർ, കാരിയേജുകൾ എന്നിവ ഒഴിവാക്കുക​. യാത്രകളിൽ ബൂട്ടിൽ അനാവശ്യ സാധനങ്ങൾ സൂക്ഷിക്കുന്നത്​ ഒഴിവാക്കുക​. ഇന്ധനം കഴിവതും അരടാങ്കോ അതിൽ താഴയോ നിലനിർത്തുന്നതാണ് നല്ലത്. അന്തരീക്ഷ താപം കുറഞ്ഞിരിക്കുന്ന രാത്രിയോ രാവിലെയോ ഇന്ധനം നിറയ്ക്കുക.

സ്വര്‍ണക്കടത്ത് കേസ്: അർജുൻ ആയങ്കിയുടെ ഭാര്യ അമല കസ്റ്റംസ് ഓഫീസില്‍ ഹാജരായി

വാഹനത്തിൽ ടയർ എയർപ്രഷർ നിർദേശിച്ച അളവിൽ തന്നെ നിലനിർത്താൻ ശ്രദ്ധിക്കുക. ടയർ പ്രഷറിൽ 15 ശതമാനം കുറവുവന്നാൽ തന്നെ ഇന്ധനച്ചിലവ്​ അഞ്ച്​ ശതമാനം വർധിക്കും. വെളുത്തതോ ഇളം കളറിലുള്ളതോ ആയ വാഹനങ്ങൾ ഇന്ധനക്ഷമത നിലനിർത്തും. വാഹനം പാർക്ക്​ ചെയ്യുമ്പോൾ തണലിലാകാൻ ശ്രദ്ധിക്കുക. വാഹനം കൃത്യമായി സർവ്വീസ്​ ചെയ്യുകയും ഓയിൽ മാറ്റുകയും ചെയ്യുന്നത് ഇന്ധനം ലാഭിക്കാൻ സഹായിക്കും.