കണ്ണൻ താമരക്കുളം സംവിധാനം ചെയ്ത പുതിയ ത്രില്ലർ ചിത്രം “ഉടുമ്പ്”ന്റെ മൂന്നാമത്തെ പാട്ട് റിലീസായി. ചലച്ചിത്ര താരങ്ങളായ സൗബിന്‍ സാഹിര്‍, ഷെയ്ന്‍ നിഗം എന്നിവരുടെ ഒഫീഷ്യൽ ഫേസ്ബുക്ക്‌ പേജിലൂടെയാണ് റിലീസായത്. ഹരിനാരായണന്റെ വരികള്‍ക്ക് സാനന്ദ് ജോര്‍ജ് ഗ്രേസാണ് ഈണം പകര്‍ന്നിരിക്കുന്നത്.
“കിളിമകളേനീ വീണെരിഞ്ഞുവോ
തീക്കനൽകൂടിൻ അകമേ മൂകമായ്
നൂറുകിനാവെഴും തൂമണിത്തൂവലും
പാതിരമായേ കൊഴിഞ്ഞോ
നീയോ ഇരയോ” എന്നു തുടങ്ങുന്ന പാട്ടാണ് റിലീസായിരിക്കുന്നത്.
എക്സ്ട്രിം ത്രില്ലര്‍ ജോര്‍ണര്‍ വിഭാഗത്തില്‍ പെടുന്ന ചിത്രത്തില്‍ സെന്തില്‍ രാജമണി, അലന്‍സിയര്‍, ഹരീഷ് പേരടി, ധര്‍മജന്‍, മനുരാജ്, സാജല്‍ സുദര്‍ശന്‍ എന്നിവരാണ് കേന്ദ്ര കഥാപാത്രങ്ങളായി എത്തുന്നത്. പുതുമുഖ താരം എയ്ഞ്ചലീനയാണ് നായിക. 24 മോഷന്‍ ഫിലിംസും കെ.റ്റി. മൂവി ഹൗസും ചേര്‍ന്ന് നിര്‍മ്മിക്കുന്ന ചിത്രത്തിന്‍റെ തിരക്കഥ നവാഗതരായ അനീഷ് സഹദേവന്‍, ശ്രീജിത്ത് ശശിധരന്‍ എന്നിവരാണ്. ക്യാമറമാന്‍ രവിചന്ദ്രനാണ്.
രവിചന്ദ്രനും കണ്ണനും ഒരുമിക്കുന്ന മൂന്നാമത്തെ ചിത്രമാണ് ഉടുമ്പ്. ഇവരുടെ കഴിഞ്ഞ ചിത്രം മരട് 357 റിലീസ് കാത്തിരിക്കുകയാണ്. മരട് 357ലെ പാട്ടുകളെല്ലാം പ്രേക്ഷക സ്വീകാര്യത നേടിയിരുന്നു. എഡിറ്റര്‍ വി.ടി ശ്രീജിത്ത്, മരട് 357ന്‍റെയും എഡിറ്റര്‍ ശ്രീജിത്ത് തന്നെയായിരുന്നു. ലൈന്‍ പ്രൊഡ്യൂസര്‍ ബാദുഷ എന്‍.എം, കൈതപ്രം , രാജീവ് ആലുങ്കല്‍ എന്നിവരുടെ വരികള്‍ക്ക് സാനന്ദ് ജോര്‍ജ് ഗ്രേസാണ് ഈണംപകര്‍ന്നിരിക്കുന്നത്. കലാ സംവിധാനം സഹസ് ബാല, അസോസിയേറ്റ് ഡയറക്ടര്‍ സുരേഷ് ഇളമ്പല്‍, പ്രൊഡക്ഷന്‍ കണ്‍ഡ്രോളര്‍ അഭിലാഷ് അര്‍ജുന്‍, മേക്കപ്പ് പ്രദീപ് രംഗന്‍, കോസ്റ്റ്യൂം സുല്‍ത്താന റസാഖ്, സ്റ്റില്‍സ് ശ്രീജിത്ത് ചെട്ടിപ്പടി, വാര്‍ത്ത പ്രചരണം സുനിത സുനില്‍ , പി.ശിവപ്രസാദ് എന്നിവരാണ്
Post Your Comments