Latest NewsNewsIndia

വനിതാ കായികതാര​ത്തെ പീഡിപ്പിച്ച കേസ് : കോച്ചിനെതിരെ പരാതിയുമായി കൂടുതല്‍ പെണ്‍കുട്ടികള്‍

കായിക പരിശീലനത്തിനിടെ ഉളുക്ക് പോലെയുള്ള പരിക്കുകള്‍ നേരിടുമ്പോൾ ഫിസിയോതെറപ്പി ചികിത്സ നല്‍കുന്നുവെന്ന വ്യാജേന പീഡിപ്പിച്ചുവെന്നാണ്​ പരാതി

ചെന്നൈ : വനിതാ കായികതാര​ത്തെ ലൈംഗികമായി പീഡിപ്പിച്ച കേസില്‍ അറസ്റ്റിലായ കോച്ചിനെതിരെ  പരാതിയുമായി കൂടുതല്‍ പെണ്‍കുട്ടികള്‍. ചെന്നെ സ്‌പോര്‍ട്‌സ് അക്കാദമി തലവനായ പി നാഗരാജനെതിരെ(59)യാണ് ഇയാളുടെ കീഴില്‍ പരിശീലനം തേടിയ ഏഴ്​ ​പേര്‍ കൂടി പരാതിയുമായി രംഗത്തെത്തി.

കായിക പരിശീലനത്തിനിടെ ഉളുക്ക് പോലെയുള്ള പരിക്കുകള്‍ നേരിടുമ്പോൾ ഫിസിയോതെറപ്പി ചികിത്സ നല്‍കുന്നുവെന്ന വ്യാജേന പീഡിപ്പിച്ചുവെന്നാണ്​ പരാതി. കൗമാരക്കാരായ കുട്ടികളെ പരിശീലനത്തിന്‍റെ മറവിലും ഇയാള്‍ ലൈംഗികമായി പീഡിപ്പിച്ചതായി പൊലീസ്​ പറഞ്ഞു. തങ്ങളുടെ ഭാവിയെ ബാധിക്കുമെന്ന ഭയത്താല്‍ ഇതേക്കുറിച്ച്‌​ പുറത്തുപറയാന്‍ വിദ്യാര്‍ഥികള്‍ മടിക്കുകയായിരുന്നു.

Read Also  :  തെറ്റു ചെയ്തവരെ മൂന്നു വര്‍ഷം മുന്‍പ് തള്ളിപ്പറയാന്‍ പാര്‍ട്ടിക്കു ത്രികാലജ്ഞാനമില്ല: പി ജയരാജന്‍

എന്നാൽ, വര്‍ഷങ്ങളായി ആരും പരാതിപ്പെടാത്തതിനാല്‍ ഇയാള്‍ തന്റെ ചെയ്​തി തുടരുകയായിരുന്നു. അതിനിടെയാണ്​ കഴിഞ്ഞ മേയില്‍ 19 കാരിയായ യുവതി പരാതിയുമായി രംഗത്തെത്തിയത്​. തുടര്‍ന്ന് മേയ് 30 നാണ് ഇയാളെ അറസ്റ്റ് ചെയ്തത്. പുതുതായി ലഭിച്ച പരാതിയില്‍ അന്വേഷണം തുടരുമെന്ന്​ മുതിര്‍ന്ന പോലീസ് ഉദ്യോഗസ്ഥന്‍ മാധ്യമങ്ങളോട്​ പറഞ്ഞു.

shortlink

Related Articles

Post Your Comments


Back to top button