ബം​ഗാ​ള്‍ ഉ​ള്‍ക്ക​ട​ലി​ല്‍ മുൻകാല പ്രളയ സമാനമായ ന്യൂനമര്‍ദത്തിന് സാധ്യത: അതീവ ജാഗ്രത വേണമെന്ന് മുഖ്യമന്ത്രി

തി​രു​വ​ന​ന്ത​പു​രം: സംസ്ഥാനത്തെ വിവിധ ജില്ലകളിൽ കാലവർഷം ശക്തിപ്പെട്ടുകൊണ്ടിരിക്കുകയാണ്. ബംഗാ​ള്‍ ഉ​ള്‍​ക്ക​ട​ലി​ല്‍ ജൂ​ലൈ 21ഓ​ടെ ന്യൂ​ന​മ​ര്‍ദം രൂ​പ​പ്പെ​ടാ​ന്‍ സാ​ധ്യ​തയുണ്ട്. ഇ​ത്​ മു​ന്നി​ല്‍​ക​ണ്ട് സം​സ്ഥാ​ന​ത്ത് വി​വി​ധ ജി​ല്ല​ക​ളി​ല്‍ ഓ​റ​ഞ്ച്, യെ​ല്ലോ അ​ല​ര്‍​ട്ടു​ക​ള്‍ പ്ര​ഖ്യാ​പി​ച്ചു. ഞാ​യ​റാ​ഴ്​​ച കാ​സ​ര്‍​കോ​ട്​ ജി​ല്ല​യി​ലും 20ന് ​പ​ത്ത​നം​തി​ട്ട, ഇ​ടു​ക്കി, മ​ല​പ്പു​റം, വ​യ​നാ​ട് ജി​ല്ല​ക​ളി​ലും 21ന് ​പ​ത്ത​നം​തി​ട്ട, എ​റ​ണാ​കു​ളം, ഇ​ടു​ക്കി, പാ​ല​ക്കാ​ട്, മ​ല​പ്പു​റം, വ​യ​നാ​ട് ജി​ല്ല​ക​ളി​ലു​മാ​ണ് ഓ​റ​ഞ്ച് അ​ല​ര്‍​ട്ട്. ഞാ​യ​റാ​ഴ്​​ച എ​റ​ണാ​കു​ളം, ഇ​ടു​ക്കി, തൃ​ശൂ​ര്‍, മ​ല​പ്പു​റം, കോ​ഴി​ക്കോ​ട്, വ​യ​നാ​ട്, ക​ണ്ണൂ​ര്‍ ജി​ല്ല​ക​ളി​ല്‍ യെ​ല്ലോ അ​ല​ര്‍​ട്ട് പ്ര​ഖ്യാ​പി​ച്ചി​ട്ടു​ണ്ട്. എറണാകുളം ജില്ലയിൽ കഴിഞ്ഞ കുറച്ചു ദിവസങ്ങളായി തുടരുന്ന മഴ വലിയ നാശനഷ്ടങ്ങൾ വിതച്ചിരുന്നു.

Also Read:സർക്കാരിനെതിരെ തീയറ്റർ ഉടമകളും രംഗത്ത് : അടച്ചിട്ടിരിക്കുന്ന സമയത്ത് നികുതിയുടെ പേരിൽ വേട്ടയാടുന്നുവെന്ന് പരാതി

അതേസമയം, കഴിഞ്ഞ കാല പ്രളയങ്ങൾക്ക് സമാനമായ ന്യൂ​ന​മ​ര്‍ദ​ങ്ങ​ള്‍ കാ​ല​വ​ര്‍ഷ​ക്കാ​ല​ത്ത് വ​ട​ക്ക​ന്‍ ബം​ഗാ​ള്‍ ഉ​ള്‍ക്ക​ട​ലി​ല്‍ രൂ​പ​പ്പെ​ടു​ന്നത് കൊണ്ട് കേ​ര​ള​ത്തി​ല്‍ മ​ഴ ശ​ക്തി​പ്പെ​ടാൻ സാധ്യതയുണ്ടെന്ന് മു​ഖ്യ​മ​ന്ത്രി പി​ണ​റാ​യി വി​ജ​യ​ന്‍ വാ​ര്‍​ത്ത​സ​മ്മേ​ള​ന​ത്തി​ല്‍ അ​റി​യി​ച്ചു.

തെ​ക്ക് ബം​ഗാ​ള്‍ ഉ​ള്‍​ക്ക​ട​ലി​ലും തെ​ക്ക്-​പ​ടി​ഞ്ഞാ​റ​ന്‍, മ​ധ്യ പ​ടി​ഞ്ഞാ​റ് അ​റ​ബി​ക്ക​ട​ലി​ലും മ​ണി​ക്കൂ​റി​ല്‍ 40 മു​ത​ല്‍ 60 കി.​മീ വ​രെ വേ​ഗ​ത്തി​ല്‍ കാ​റ്റി​ന് സാ​ധ്യ​ത​യു​ണ്ട്. ഇ​നി​യൊ​രു അ​റി​യി​പ്പു​ണ്ടാ​കു​ന്ന​തു​വ​രെ കേ​ര​ള-​ല​ക്ഷ​ദ്വീ​പ് തീ​ര​ങ്ങ​ളി​ല്‍​നി​ന്ന് മ​ത്സ്യ​ബ​ന്ധ​ന​ത്തി​ന് പോ​കാ​ന്‍ പാ​ടി​ല്ലെ​ന്ന് കാ​ലാ​വ​സ്ഥ നി​രീ​ക്ഷ​ണ കേ​ന്ദ്രം അ​റി​യി​ച്ചു.

കാലം തെറ്റിയുള്ള കാലവർഷത്തിന്റെ കെടുതിയാണ് പ്രളയമായി മുൻ വർഷങ്ങളിൽ കേരളം അനുഭവിച്ചത്. അതിന്റെ മുറിവുകൾ ഇപ്പോഴും ഓരോ കേരള ജനതയുടെയും ഉള്ളിൽ മായാതെ കിടപ്പുണ്ട്. അതുകൊണ്ട് തന്നെ വലിയ ജാഗ്രതയിലാണ് സംസ്ഥാന സർക്കാർ ഈ വിഷയത്തെക്കാണുന്നത്.