ആധുനിക അ​റ​വു​​ശാ​ല ആവശ്യപ്പെട്ട് കോഴിക്കോട് മാം​സ​ക്ക​ച്ച​വ​ട​ക്കാർ

കോ​ഴി​ക്കോ​ട്​: ആ​ധു​നി​ക അ​റ​വു​ശാ​ല ആവശ്യപ്പെട്ട് കോഴിക്കോട് മാം​സ​ക്ക​ച്ച​വ​ട​ക്കാർ. 10 കൊ​ല്ല​ത്തി​ലേ​റെ​യാ​യെ​ങ്കി​ലും ഇ​തു​വ​രെ യാ​ഥാ​ര്‍​ഥ്യ​മാ​യി​ല്ല. മാം​സ​ക്ക​ച്ച​വ​ട​ക്കാ​രും നാ​ട്ടു​കാ​രും തൊ​ഴഴിലാ​ളി​ക​ളും നി​ര​ന്ത​രം ആ​വ​ശ്യ​പ്പെ​ടു​ന്ന​താ​ണ്​ ആ​ധു​നി​ക അ​റ​വു​​ശാ​ല. ശാ​സ്​​ത്രീ​യ​മാ​യ അ​റ​വി​ന്​ സൗ​ക​ര്യ​മി​ല്ലാ​ത്ത​തി​നാ​ല്‍ വ​ര്‍​ഷ​ങ്ങ​ള്‍​ക്ക്​ മു​മ്പ്​ കോ​ഴി​ക്കോ​ട്​​ കോ​ട​തി ന​ഗ​ര​ത്തി​ല്‍ അ​റ​വ്​ നി​രോ​ധി​ക്കു​ക​പോ​ലു​മു​ണ്ടാ​യി. അ​റ​വു​ശാ​ല ഉ​ട​ന്‍ യാ​ഥാ​ര്‍​ഥ്യ​മാ​വു​മെ​ന്ന്​ അ​ന്ന്​ കോ​ട​തി​യി​ല്‍ ന​ല്‍​കി​യ ഉ​റ​പ്പ്​ പാ​ലി​ക്ക​പ്പെ​ട്ടി​ട്ടി​ല്ല. നി​യ​മ​പ​ര​മാ​യി അ​റ​വി​ന് മു​മ്പും ശേ​ഷ​വും ഡോ​ക്ട​ര്‍മാ​ര്‍ പ​രി​ശോ​ധി​ച്ച്‌ ഗു​ണ​നി​ല​വാ​രം ഉ​റ​പ്പു​വ​രു​ത്തി​യാ​ല്‍ മാ​ത്ര​മേ ഭ​ക്ഷ്യാ​വ​ശ്യ​ങ്ങ​ള്‍ക്ക് ഉ​പ​യോ​ഗി​ക്കാ​വൂ എ​ന്നാ​ണ് 2011ലെ ​ഭ​ക്ഷ്യ​സു​ര​ക്ഷാ​നി​യ​മം അ​നു​ശാ​സി​ക്കു​ന്ന​ത്. ഇ​ക്കാ​ര്യ​മാ​ണ്​ ഇ​തു​വ​രെ ന​ഗ​ര​ത്തി​ല്‍ ന​ട​പ്പാ​ക്കാ​നാ​വാ​ത്ത​ത്.

കോ​ര്‍​പ​റേ​ഷ​ന്‍ ഉ​ട​മ​സ്​​ഥ​ത​യി​ല്‍ കോ​തി​യി​ലു​ള്ള ഒ​രേ​ക്ക​റി​ലേ​റെ സ്ഥ​ല​ത്ത് അ​റ​വു​ശാ​ല നി​ര്‍മി​ക്കാ​നാ​ണ് തീ​രു​മാ​നം. എ​ന്നാ​ല്‍, ജ​ന​ങ്ങ​ള്‍ തി​ങ്ങി​പ്പാ​ര്‍​ക്കു​ന്ന തീ​ര​മേ​ഖ​ല​യി​ല്‍ അ​റ​വു​ശാ​ല വ​ന്നാ​ല്‍ ഞെ​ളി​യ​ന്‍പ​റ​മ്പി​ന്റെ അ​വ​സ്​​ഥ വ​രു​മെ​ന്ന ഭീ​തി നാ​ട്ടു​കാ​ര്‍​ക്കു​ണ്ട്. അ​റ​വു​ശാ​ല കോ​തി​യി​ല്‍ വ​രു​ന്ന​തി​നെ​തി​രെ പ്ര​തി​ഷേ​ധ​വും സ​ജീ​വ​മാ​ണ്.10 കോ​ടി​യു​ടെ ന​ഗ​ര​സ​ഭ മു​ന്നോ​ട്ടു​വെ​ച്ച അ​റ​വു​ശാ​ല പ​ദ്ധ​തി കി​ഫ്​​ബി സ​ഹാ​യം​ ഉ​പ​യോ​ഗി​ച്ച്‌​ പ​ണി​യാ​ന്‍ അ​നു​മ​തി ല​ഭി​ച്ച​താ​ണ്.

Read Also: ‘ഇത്രേം വലിയ ശിക്ഷയൊന്നും വേണ്ടിയിരുന്നില്ല’: സി.പി.ഐ.എമ്മിനെ ട്രോളി ബല്‍റാം

ര​ക്​​തം, തൊ​ലി, ത​ല, കൈ​കാ​ലു​ക​ള്‍ എ​ന്നി​വ സൂ​ക്ഷി​ക്കാ​നും സം​സ്​​ക​രി​ക്കാ​നും പ്ര​ത്യേ​ക സൗ​ക​ര്യ​മൊ​രു​ക്കും. വ​ലി​യ ശീ​തീ​ക​ര​ണ സം​വി​ധാ​നം, വി​പു​ല​മാ​യ ഓ​വു​ചാ​ലു​ക​ള്‍ എ​ന്നി​വ​യു​മു​ണ്ടാ​വും. ദി​വ​സം 100 മൃ​ഗ​ങ്ങ​ളെ​യും 25 മു​ത​ല്‍ 50 വ​രെ ചെ​റു​മൃ​ഗ​ങ്ങ​ളെ​യും ക​ശാ​പ്പു​ചെ​യ്യാ​നാ​വു​ന്ന​താ​ണ്​ അ​റ​വു​ശാ​ല. ന​ഗ​ര​സ​ഭ 2019ലാ​ണ്​ കി​ഫ്​​ബി​ക്ക്​ ഡി.​പി.​ആ​ര്‍ ന​ല്‍​കി​യ​ത്. മൊ​ത്തം 9.2 കോ​ടി​യി​ല്‍ 7.5 കോ​ടി കി​ഫ്​​ബി​യി​ല്‍​നി​ന്ന്​ ല​ഭ്യ​മാ​ക്കു​ക​യാ​ണ്​ ല​ക്ഷ്യം.കോ​തി​യി​ലെ ഒ​രേ​ക്ക​ര്‍ സ്​​ഥ​ല​ത്ത്​ ആ​ധു​നി​ക അ​റ​വു​ശാ​ല​ക്കു​ള്ള​ ഡി.​പി.​ആ​ര്‍ ആ​ണ്​ കി​ഫ്​​ബി​ക്ക്​ ന​ല്‍​കി​യ​ത്. കാ​ലി​ക​ള്‍​ക്കു​ള്ള വി​ശ്ര​മ​സ്​​ഥ​ലം, ആ​ടു​ക​ള്‍​ക്കു​ള്ള​യി​ടം, മാ​ലി​ന്യം സം​സ്​​ക​രി​ക്കാ​നു​ള്ള പ്ലാ​ന്‍​റ്, മ​ണ്ണി​ര കമ്പോ​സ്​​റ്റ്​ ശാ​ല, ജീ​വ​ന​ക്കാ​ര്‍​ക്കു​ള്ള ക്വർട്ടേഴ്‌സ് , ദി​വ​സം 100 എം.​എ​ല്‍.​ഡി മ​ലി​ന​ജ​ലം സം​സ്​​ക​രി​ക്കു​ന്ന പ്ലാ​ന്‍​റ്​ തു​ട​ങ്ങി​യ​വ​യെ​ല്ലാം ല​ക്ഷ്യ​മി​ടു​ന്നു.