ദുബായ്: എക്കാലത്തെയും മികച്ച ഏകദിന ഇലവനെ തിരഞ്ഞെടുത്തു മുൻ പാകിസ്ഥാൻ പേസർ ഷോയ്‌ബ്‌ അക്തർ. ടീമിൽ നാല് ഇന്ത്യൻ താരങ്ങൾ ഇടം നേടിയെന്നതാണ് ശ്രദ്ധേയം. മുൻ ഇന്ത്യൻ ക്യാപ്റ്റൻ കപിൽ ദേവ്, ക്രിക്കറ്റ് ഇതിഹാസം സച്ചിൻ ടെൻഡുൽക്കർ, മുൻ ഇന്ത്യൻ ക്യാപ്റ്റൻ എം എസ് ധോണി, ഓൾറൗണ്ടർ യുവരാജ് സിംഗ് എന്നിവരാണ് അക്തറിന്റെ ടീമിൽ ഇടം നേടിയ ഇന്ത്യൻ താരങ്ങൾ.
മുൻ വെസ്റ്റ് ഇൻഡീസ് ഓപ്പണർ ഗോർഡൻ ഗ്രീനിഡ്ജും സച്ചിൻ തെണ്ടുൽക്കറും അക്തറിന്റെ ടീമിനായി ഇന്നിംഗ്സ് ഓപ്പൺ ചെയ്യും. ടീമിൽ രണ്ടാമനായി പാകിസ്ഥാന്റെ എക്കാലത്തെയും മികച്ച ക്യാപ്റ്റൻ ഇൻസമാം ഉൾ ഹഖും നാലാം നമ്പറിൽ മുൻ പാക് പേസർ സയീദ് അൻവറും ബാറ്റ് ചെയ്യും. ടീമിൽ അഞ്ചാമനായി എംഎസ് ധോണിയും, ഓസ്‌ട്രേലിയൻ ഇതിഹാസം ആദം ഗിൽക്രിസ്റ്റ് ആറാമനായി ടീമിൽ ഇടം നേടി.
Read Also:- ശരീരഭാരം കുറയ്ക്കാന്‍ ഓട്സ്
ഏഴാം നമ്പറിൽ ബാറ്റ് ചെയ്യാൻ യുവരാജ് സിങ്ങിനെ അക്തർ പിന്തുണയ്ക്കുന്നു. ഇന്ത്യൻ ടീമിനെ സംബന്ധിച്ചിടത്തോളം എക്കാലത്തെയും മികച്ച താരങ്ങളിൽ ഒരാളാണ് യുവരാജ് സിംഗ്. കൂടാതെ വാസിം അക്രം, വഖാർ യൂനിസ്, കപിൽ ദേവ് എന്നിവരാണ് ഷോയിബ് അക്തറിന്റെ പേസർമാർ. ടീമിലെ ഏക സ്പിന്നറായി ഓസ്‌ട്രേലിയൻ ഇതിഹാസം ഷെയ്ൻ വോണിനെ അക്തർ തിരഞ്ഞെടുത്തു. എന്നാൽ ടീമിന്റെ നായകനായി അക്തർ ഷെയ്ൻ വോണിനെ തിരഞ്ഞെടുത്തു എന്നതാണ് ഏറെ ശ്രദ്ധേയം.
Post Your Comments