നി​യ​ന്ത്ര​ണം​വി​ട്ട പൊ​ലീ​സ് ജീ​പ്പ് കാ​റി​ലി​ടി​ച്ച്‌ ലോ ​കോ​ള​ജ് വി​ദ്യാ​ര്‍​ഥി​നി മ​രി​ച്ചു

മം​ഗ​ല​പു​രം: കോ​രാ​ണി കാ​രി​ക്കു​ഴി​യി​ല്‍ ദേ​ശീ​യ​പാ​ത​യി​ല്‍ പൊ​ലീ​സ് ജീ​പ്പ് കാ​റി​ലി​ടി​ച്ച്‌ ലോ ​കോ​ള​ജ് വി​ദ്യാ​ര്‍​ഥി​നി മ​രി​ച്ചു. കൊ​ല്ലം സ്വ​ദേ​ശി ശ്രീ​കാ​ര്യം ചെ​ക്കാ​ല​മു​ക്ക് വി​കാ​സ് ന​ഗ​റി​ല്‍ വാ​ട​ക​ക്ക്​ താ​മ​സി​ക്കു​ന്ന സ​ജീ​ദ്-​രാ​ജി ദ​മ്പ​തി​ക​ളു​ടെ മ​ക​ള്‍ അ​നൈ​ന (22) ആ​ണ് മ​രി​ച്ച​ത്. തി​രു​വ​ന​ന്ത​പു​രം ലോ ​കോ​ള​ജി​ലെ മൂ​ന്നാം വ​ര്‍​ഷ ബി​രു​ദ വി​ദ്യാ​ര്‍​ഥി​നി​യാ​ണ്. വ്യാ​ഴാ​ഴ്​​ച രാ​വി​ലെ 11.30 നാ​യി​രു​ന്നു അ​പ​ക​ടം. കാ​റി​ല്‍ അ​നൈ​ന​യെ കൂ​ടാ​തെ മൂ​ന്നു​പേ​രാ​ണു​ണ്ടാ​യി​രു​ന്ന​ത്. അ​നൈ​ന​യു​ടെ പി​താ​വ്​ സ​ജാ​ദ്, അ​മ്മ രാ​ജി, സ​ഹോ​ദ​ര​ന്‍ അം​ജി​ദ്. അം​ജി​ദാ​ണ് കാ​ര്‍ ഓ​ടി​ച്ചി​രു​ന്ന​ത്.

ബം​ഗ​ളൂ​രു​വി​ല്‍ ഐ.​ടി മേ​ഖ​ല​യി​ല്‍ ജോ​ലി​നോ​ക്കു​ന്ന അം​ജി​ദിന്റെ പെ​ണ്ണു​കാ​ണ​ല്‍ ച​ട​ങ്ങു​മാ​യി ബ​ന്ധ​പ്പെ​ട്ട് കൊ​ല്ല​ത്തേ​ക്ക് പോ​കു​ക​യാ​യി​രു​ന്നു കു​ടും​ബം. അ​പ​ക​ട​ത്തി​ല്‍ നാ​ലു​പേ​ര്‍​ക്കും ഗു​രു​ത​ര പ​രി​ക്കേ​റ്റു. അ​നൈ​ന​യെ ആ​ശു​പ​ത്രി​യി​ലെ​ത്തി​ച്ചെ​ങ്കി​ലും ര​ക്ഷി​ക്കാ​നാ​യി​ല്ല. പൊ​ലീ​സ് ജീ​പ്പി​ല്‍ ര​ണ്ടു​പേ​രാ​ണു​ണ്ടാ​യി​രു​ന്ന​ത്; അ​വ​രു​ടെ പ​രി​ക്കു​ക​ള്‍ ഗു​രു​ത​ര​മ​ല്ല. തി​രു​വ​ന​ന്ത​പു​ര​ത്തേ​ക്ക്​ പോ​കു​ക​യാ​യി​രു​ന്ന ചി​റ​യി​ന്‍​കീ​ഴ് പൊ​ലീ​സ് സ്‌​റ്റേ​ഷ​നി​ലെ ജീ​പ്പ് നി​യ​ന്ത്ര​ണം​വി​ട്ട് കൊ​ല്ലം ഭാ​ഗ​ത്തേ​ക്കു​പോ​യ അ​നൈ​ന​യും കു​ടും​ബ​വും യാ​ത്ര ചെ​യ്തി​രു​ന്ന കാ​റി​ല്‍ ഇ​ടി​ക്കു​ക​യാ​യി​രു​ന്നു.

Read Also: കോവിഡ് മാനദണ്ഡങ്ങൾ കാറ്റിൽ പറത്തി നീന്തൽ സെലക്ഷൻ: അഞ്ഞൂറോളം വിദ്യാർത്ഥികൾ പങ്കെടുത്തു

കാ​രി​ക്കു​ഴി ഭാ​ഗ​ത്ത് റോ​ഡി​ന്റെ വ​ശ​ത്ത് ഇ​ന്‍​റ​ര്‍​ലോ​ക്ക് പാ​കാ​നാ​യി എ​ടു​ത്ത കു​ഴി​യി​ല്‍ വീ​ണ​തി​നെ​ത്തു​ട​ര്‍​ന്ന് നി​യ​ന്ത്ര​ണം തെ​റ്റി​യാ​ണ് പൊ​ലീ​സ് ജീ​പ്പ് കാ​റി​ലി​ടി​ച്ചു​ക​യ​റി​യ​ത്. പ​രി​ക്കേ​റ്റ പൊ​ലീ​സ് ജീ​പ്പി​ലെ ഡ്രൈ​വ​ര്‍ അ​ഹ​മ​ദി​നെ ആ​റ്റി​ങ്ങ​ല്‍ താ​ലൂ​ക്ക് ആ​ശു​പ​ത്രി​യി​ലും ജീ​പ്പി​ലു​ണ്ടാ​യി​രു​ന്ന എ.​എ​സ്.​ഐ ഷ​ജീ​റി​നെ ചി​റ​യി​ന്‍​കീ​ഴ് താ​ലൂ​ക്ക് ആ​ശു​പ​ത്രി​യി​ലും പ്ര​വേ​ശി​പ്പി​ച്ചു. മം​ഗ​ല​പു​രം പൊ​ലീ​സ് തു​ട​ര്‍ ന​ട​പ​ടി സ്വീ​ക​രി​ച്ചു.