IdukkiKeralaNattuvarthaLatest NewsNews

മുല്ലപ്പെരിയാര്‍ അണക്കെട്ടു ബോംബ് വച്ചു തകര്‍ക്കുമെന്ന് ഫോണ്‍ വഴി ഭീഷണി സന്ദേശം

ഭീഷണി സന്ദേശത്തിന്റെ ഉറവിടം കണ്ടെത്താന്‍ പൊലീസ് ശ്രമം ആരംഭിച്ചു

തിരുവനന്തപുരം: ഇടുക്കി മുല്ലപ്പെരിയാര്‍ അണക്കെട്ട് ബോംബ് വച്ച് തകര്‍ക്കുമെന്ന് ഭീഷണി സന്ദേശം. പൊലീസ് ആസ്ഥാനത്തെ കണ്‍ട്രോള്‍ റൂമിലാണ് ഭീഷണി സന്ദേശം എത്തിയത്. ഭീഷണി സന്ദേശം എത്തിയതിനെ തുടര്‍ന്ന് മുല്ലപ്പെരിയാറില്‍ പരിശോധന ആരംഭിച്ചു.

വെള്ളിയാഴ്ച വൈകുന്നേരത്തോടെയാണ് പൊലീസ് ആസ്ഥാനത്തെ കണ്‍ട്രോള്‍ റൂമില്‍ ഫോണിലൂടെ ഭീഷണി സന്ദേശം എത്തിയത്. ഭീഷണിയെ തുടര്‍ന്ന് മുല്ലപ്പെരിയാര്‍ അണക്കെട്ടില്‍ കര്‍ശന പരിശോധന നടത്താന്‍ നിര്‍ദ്ദേശം നല്‍കി. പൊലീസ് ബോംബ് സ്‌ക്വാഡ്, ഡോഗ് സ്‌ക്വാഡ് എന്നിവ മുല്ലപ്പെരിയാറില്‍ പരിശോധന നടത്തുകയാണ്. ഭീഷണി സന്ദേശത്തിന്റെ ഉറവിടം കണ്ടെത്താന്‍ പൊലീസ് ശ്രമം ആരംഭിച്ചു. ഫോണ്‍ കോള്‍ സംബന്ധിച്ച വിവരങ്ങള്‍ പൊലീസ് ശേഖരിച്ചു വരുന്നതായി ഉന്നത ഉദ്യോഗസ്ഥര്‍ പറഞ്ഞു.

shortlink

Related Articles

Post Your Comments


Back to top button