KeralaLatest NewsNews

‘സി.എച്ച്‌ മുഹമ്മദ്​ കോയ​ മുഖ്യമന്ത്രിയാകണം, ശിപാര്‍ശ​ ചെയ്​തത്​ പാലാ ബിഷപ്’: വെളിപ്പെടുത്തലുമായി മുന്‍ ഡിജിപി​

അങ്ങനെ പാലാ മെത്രാന്റെ പിന്തുണയോടെ കേരളത്തിന്റെ മുഖ്യമന്ത്രി സ്ഥാനത്തേക്ക്​ ഒരു മുസ്​ലിമിന്​ എത്താന്‍ പറ്റി.

കൊച്ചി:​ സി.എച്ച്‌​. മുഹമ്മദ്​ കോയ കേരളത്തി​െന്‍റ മുഖ്യമന്ത്രിയാകണമെന്ന്​​ അന്നത്തെ പാലാ ബിഷപ്​ ശുപാർശ ചെയ്തതായി വെളിപ്പെടുത്തല്‍. എറണാകുളത്ത്​ മൈനോറിറ്റി ഇന്ത്യന്‍സ്​ പ്ലാനിങ്​ ആന്‍ഡ്​​ വിജിലന്‍സ്​ കമീഷന്‍ ട്രസ്​റ്റ്​ സംഘടിപ്പിച്ച സി.എച്ച്‌ അനുസ്​മരണത്തില്‍ പ്രഭാഷണം നടത്തിയ മുന്‍ ഡി.ജി.പി ഡോ. അലക്​സാണ്ടര്‍ ജേക്കബാണ്​ വെളിപ്പെടുത്തല്‍ നടത്തിയത്​. നിലവിലെ പാലാ ബിഷപ്പിന്റെ മുസ്​ലിം വിരുദ്ധ വിവാദ പ്രസ്​താവന നിലനില്‍ക്കുന്ന സാഹചര്യത്തില്‍ ശ്രദ്ധേയമാണ്​ മുന്‍ ഡി.ജി.പിയുടെ വെളിപ്പെടുത്തല്‍.

‘അഞ്ചാം കേരള നിയമസഭയില്‍ കെ. കരുണാകരനും എ.കെ. ആന്‍റണിക്കും പി.കെ. വാസുദേവന്‍ നായര്‍ക്കും ശേഷമാണ്​ സി.എച്ച്‌​ മുഖ്യമന്ത്രിയായത്​. 1979 ഒക്​ടോബര്‍ 12നായിരുന്നു സത്യപ്രതിജ്​ഞ. അന്ന്​ പാലാ എം.എല്‍.എ കെ.എം. മാണി മുഖ്യമന്ത്രി സ്ഥാനത്തേക്ക്​ വരുമെന്ന അഭ്യൂഹങ്ങള്‍ക്കിടെയാണ്​ സി.എച്ച്‌​ മുഖ്യമന്ത്രിയാകുന്നത്​. അന്ന്​ സെബാസ്​റ്റ്യന്‍ വയലിൽ​ തിരുമേനിയാണ്​ കെ.എം. മാണിക്ക്​ പകരം മുഹമ്മദ്​ കോയയെ ശിപാര്‍ശ ചെയ്​തത്​. അങ്ങനെ പാലാ മെത്രാന്റെ പിന്തുണയോടെ കേരളത്തിന്റെ മുഖ്യമന്ത്രി സ്ഥാനത്തേക്ക്​ ഒരു മുസ്​ലിമിന്​ എത്താന്‍ പറ്റി’ -അലക്സാണ്ടര്‍ ജേക്കബ്​ വിവരിച്ചു.

Read Also: പഞ്ചാബിൽ പത്തിമടക്കി കോൺഗ്രസ്: മന്ത്രി പര്‍ഗത് സിങ് രാജിവെച്ചു, ഇനി ബിജെപി തരംഗം?

സമുദായങ്ങള്‍ പരസ്​പരം പഴിക്കുന്നതില്‍ അര്‍ഥമില്ലെന്നും കേരളത്തിന്റെ സാമൂഹിക സന്തുലിതാവസ്ഥ അട്ടിമറിക്കുന്ന അവസ്ഥയിലേക്ക്​ പോകരുതെന്നും ഗോവ ഗവര്‍ണര്‍ പി.എസ്​. ശ്രീധരന്‍പിള്ള ചടങ്ങ്​ ഉദ്​ഘാടനം ചെയ്​ത്​ സംസാരിച്ചു. ‘കത്തോലിക്ക സഭയിലെ വൈദികര്‍ യേശു എന്ന ആശയത്തിനായി ജീവിതം സമര്‍പ്പിച്ചവരാണ്​. അവരുടെ വാക്കുകളില്‍ സമുദായ താല്‍പര്യം ഉണ്ടാകുന്നത്​ സ്വാഭാവികമാണ്​. അതി​ന്റെ പേരില്‍ വിവാദം അരുതെന്നും വിട്ടുവീഴ്​ച വേണം’- അദ്ദേഹം പറഞ്ഞു.

shortlink

Post Your Comments


Back to top button