KasargodKeralaLatest News

ഓ​ട്ടോ നിർത്തിയില്ല, രക്ഷപെടാൻ​ ചാടിയ പ്ലസ് വണ്‍ വിദ്യാര്‍ഥിനികള്‍ക്ക്​ പരിക്ക്​, ഡ്രൈവര്‍ കസ്​റ്റഡിയില്‍

ഇരുവരെയും കാസര്‍കോട് ജനറല്‍ ആശുപത്രിയില്‍ പ്രവേശിപ്പിച്ചു.

കാസര്‍കോട്: പ്ലസ് വണ്‍ പരീക്ഷയെഴുതാന്‍ പോയ രണ്ട്​ വിദ്യാര്‍ഥിനികള്‍ ഓട്ടോയില്‍ നിന്ന് ചാടി പരുക്കേറ്റ നിലയില്‍ ആശുപത്രിയില്‍ പ്രവേശിപ്പിച്ചു. ചൊവ്വാഴ്​ച രാവിലെ ഒമ്പതിന് പ്രസ് ക്ലബ് ജങ്​ഷനില്‍ നിന്ന് മേല്‍പറമ്പ് ഭാഗത്തേക്ക് പോവുകയായിരുന്ന ഓട്ടോയിലാണ് വിദ്യാര്‍ഥിനികള്‍ ചെമ്മനാട്ടേക്ക് കയറിയത്.

ചെമ്മനാട് എത്തിയപ്പോള്‍ ആവശ്യപ്പെട്ടിട്ടും നിര്‍ത്താത്തതിനെ തുടര്‍ന്ന് ഭയന്ന കുട്ടികള്‍ ഓട്ടോയില്‍നിന്ന് പുറത്തേക്ക് ചാടുകയായിരുന്നു. ഇരുവരെയും കാസര്‍കോട് ജനറല്‍ ആശുപത്രിയില്‍ പ്രവേശിപ്പിച്ചു. എന്നാൽ കുട്ടികള്‍ യൂണിഫോം ധരിക്കാത്തതിനാല്‍ മേല്‍പറമ്പിലേക്കായിരിക്കുമെന്ന് കരുതിയാണ് ഓട്ടോ നിര്‍ത്താതിരുന്നതെന്ന് പൊലീസ് കസ്​റ്റഡിയിലുള്ള ഡ്രൈവര്‍ മൊഴി നല്‍കി.

shortlink

Related Articles

Post Your Comments


Back to top button