മസ്‌കത്ത്: എല്ലാ പ്രവാസികൾക്കും നാളെ മുതൽ കോവിഡ് വാക്‌സിൻ നൽകുമെന്ന് ഒമാൻ. വടക്കൻ ബാത്തിന ഗവർണറേറ്റിലെ എല്ലാ പ്രവാസികൾക്കും നാളെ മുതൽ കോവിഡ് വാക്‌സിൻ നൽകുമെന്നാണ് ആരോഗ്യ വകുപ്പ് അറിയിച്ചിരിക്കുന്നത്.
ലിവയിലെ ഒമാനി വിമൻസ് അസോസിയേഷൻ, സൊഹാർ റിഹാബിലിറ്റേഷൻ സെന്റർ, സഹം സ്‌പോർട്‌സ് ക്ലബ്, സുവൈഖ് വാലി ഓഫിസ് ഹാൾ എന്നിവിടങ്ങളിൽ രാവിലെ 8 മുതൽ ഉച്ചയ്ക്ക് ഒരു മണി വരെയാണ് വാക്‌സിനേഷൻ ഉണ്ടായിരിക്കുക. വാക്‌സിൻ സ്വീകരിക്കാനെത്തുന്നതിന് മുൻപ് തരാസുദ് പ്ലസ് ആപ്പിൽ രജിസ്റ്റർ ചെയ്യേണ്ടതുണ്ട്. വാക്‌സിനേഷൻ കേന്ദ്രത്തിലെത്തുന്ന പ്രവാസികൾ റസിഡൻസി കാർഡ് ഹാജരാക്കുകയും ചെയ്യണമെന്നാണ് ഒമാൻ ആരോഗ്യ മന്ത്രാലയം നൽകിയിരിക്കുന്ന നിർദ്ദേശം.
Post Your Comments