Latest NewsSaudi ArabiaNewsInternationalGulf

കോവിഡ് വാക്‌സിൻ സ്വീകരിച്ചവർക്ക് കൂടുതൽ ഇളവുകൾ നൽകി സൗദി അറേബ്യ: ഇളവുകൾ ഇന്ന് മുതൽ പ്രാബല്യത്തിൽ

റിയാദ്: കോവിഡ് നിയന്ത്രണങ്ങളിൽ കൂടതൽ ഇളവുകൾ നൽകി സൗദി അറേബ്യ. മാസ്‌കും സാമൂഹിക അകലവും ഉൾപ്പടെയുള്ള കോവിഡ് നിയന്ത്രണങ്ങളിലാണ് സൗദി ഇളവ് അനുവദിച്ചിരിക്കുന്നത്. ഇന്നു മുതൽ ഇളവുകൾ പ്രാബല്യത്തിൽ വരും. പുതിയ ഇളവുകൾ അനുസരിച്ച് പൊതുസ്ഥലങ്ങളിൽ മാസ്‌ക് ധരിക്കൽ നിർബന്ധമില്ല. എന്നാൽ അടച്ചിട്ട സ്ഥലങ്ങളിൽ മാസ്‌ക് നിർബന്ധമായും ധരിക്കണം. മക്ക, മദീന പള്ളികളിലെ തൊഴിലാളികളും സന്ദർശകരും മാസ്‌ക് ധരിക്കണമെന്നും അധികൃതർ നിർദ്ദേശിച്ചിട്ടുണ്ട്.

Read Also: റിസർച്ച് തുടർന്നാൽ വാരിയൻകുന്നൻ ഐക്യരാഷ്ട്ര സഭയിൽ നടത്തിയ പ്രസംഗത്തിന്റെ വീഡിയോയും കിട്ടും: പരിഹസിച്ച് ശങ്കു ടി ദാസ്

പൊതുസ്ഥലങ്ങൾ, റെസ്റ്റോറന്റുകൾ, പൊതുഗതാഗത സംവിധാനങ്ങൾ, സിനിമ ഹാൾ എന്നിവിടങ്ങളിൽ സാമൂഹിക അകലം പാലിക്കണമെന്ന് നിർബന്ധമില്ല. ഓഡിറ്റോറിയങ്ങളിൽ വിവാഹമുൾപ്പെടെയുള്ള ചടങ്ങുകളിൽ പങ്കെടുക്കാനും നിയന്ത്രണമില്ല. നിശ്ചിത എണ്ണം പേർക്ക് മാത്രമേ പങ്കെടുക്കാനാകൂ എന്ന നിയന്ത്രണം ഒഴിവാക്കി.

സൗദിയിൽ പൊതുസ്ഥലങ്ങളിലെ പ്രവേശനം കോവിഡ് വാക്സിന്റെ രണ്ടുഡോസും സ്വീകരിച്ചവർക്ക് മാത്രമാണ്. അതേസമയം തവക്കൽന ആപ്പ് വഴി ആരോഗ്യ പരിശോധനകൾ നടപ്പാക്കാത്ത സ്ഥലങ്ങളിൽ മാസ്‌ക് ധരിക്കുന്നതും അകലം പാലിക്കുന്നതും തുടരും. പൊതു, സ്വകാര്യ സ്ഥാപനങ്ങളിൽ പ്രവേശിക്കുന്നതിന് ആരോഗ്യമന്ത്രാലയത്തിന്റെ വ്യക്തിഗത വിവരങ്ങൾക്കായുള്ള തവക്കൽനാ ആപ്പ് കാണിക്കണമെന്നാണ് നിർദ്ദേശം.

കോവിഡ് വാക്സിനേഷന്റെ രണ്ട് ഡോസുകളും പൂർത്തിയായവർക്ക് സ്‌പോർട്‌സ് ഇവന്റുകൾ കാണാനെത്താനും സൗദി അറേബ്യ അനുമതി നൽകി. ഇന്നു മുതൽ കോവിഡ് വാക്സിന്റെ രണ്ടു ഡോസുകളും സ്വീകരിച്ച സ്പോർട്സ് പ്രേമികൾക്ക് സ്റ്റേഡിയങ്ങളിൽ കായിക പരിപാടികൾ കാണാനെത്താം.

Read Also: ഞങ്ങൾ ഇനി എങ്ങോട്ട് പോകും, ഒരു നേരത്തെ ആഹാരത്തിന് വേണ്ടി കുഞ്ഞുങ്ങള്‍ കരയുകയാണ് : കൂട്ടിക്കല്‍ നിവാസികള്‍ പറയുന്നു

shortlink

Related Articles

Post Your Comments

Related Articles


Back to top button