ഷാർജ: ഷാർജയിൽ നേരിയ ഭൂചലനം. അൽ ഫയാ മേഖലയിലാണ് ഭൂചലനം ഉണ്ടായത്. യുഎഇ സമയം രാത്രി 7.44 ഓടെയാണ് ഭൂചലനം അനുഭവപ്പെട്ടതെന്ന് അധികൃതർ അറിയിച്ചു. റിക്ടർ സ്‌കെയിലിൽ 2.4 തീവ്രത രേഖപ്പെടുത്തിയ ഭൂചലനമാണ് ഉണ്ടായതെന്ന് യുഎഇ നാഷണൽ സെന്റർ മെട്രോളജി വ്യക്തമാക്കി.
ആളപായമോ നാശനഷ്ടങ്ങളോ റിപ്പോർട്ട് ചെയ്തിട്ടില്ല. പ്രദേശത്ത് ചെറുതായി ഭൂചലനം അനുഭവപ്പെട്ടെങ്കിലും യുഎഇയിൽ യാതൊരു സ്വാധീനവും ഉണ്ടായിരുന്നില്ല.
ഏതാനും ദിവസങ്ങൾക്ക് മുൻപ് ദിബ്ബ അൽ ഫുജൈറയിലും ഭൂചലനം അനുഭവപ്പെട്ടിരുന്നു. ഒക്ടോബർ 4 വ്യാഴാഴ്ച്ച യുഎഇ സമയം 21.14 നാണ് ഭൂചലനം അനുഭവപ്പെട്ടത്. ദിബ്ബ അൽ ഫുജൈറയിലും ആളപായമോ നാശനഷ്ടങ്ങളോ റിപ്പോർട്ട് ചെയ്യപ്പെട്ടിരുന്നില്ല.
Post Your Comments