വീ​ട്​ കു​ത്തി​ത്തു​റ​ന്ന് മോ​ഷ​ണം : പ്രതികൾ അറസ്റ്റിൽ

ചെ​ർ​പ്പു​ള​ശ്ശേ​രി: വീ​ട്​ കു​ത്തി​ത്തു​റ​ന്ന് മോ​ഷ​ണം ന​ട​ത്തി​യ സം​ഭ​വ​ത്തി​ൽ പ്ര​തി​ക​ൾ അറസ്റ്റിൽ. കോ​ഴി​ക്കോ​ട് പെ​രു​വ​ണ്ണാ​മൂ​ഴി ചെ​മ്പ​നോ​ട് പ​ന​യ്ക്ക​ൽ ച​ന്ദ്ര​ൻ (മാ​ത്യു -63), താ​മ​ര​ശ്ശേ​രി ത​ച്ചം​പൊ​യി​ൽ കൂ​റ​പൊ​യി​ൽ വീ​ട്ടി​ൽ മു​ഹ​മ്മ​ദ് നി​സാ​ർ (30) എ​ന്നി​വ​രാണ് പിടിയിലായത്​. ചെ​ർ​പ്പു​ള​ശ്ശേ​രി പൊ​ലീ​സ് മ​ണ്ണാ​ർ​ക്കാ​ട്ടു​നി​ന്ന് പി​ടി​കൂ​ടി​യ​ത്.

ഇ​രു​പ​ത്തി​യാ​റാം മൈ​ലി​ലിലെ റി​ട്ട. അ​ധ്യാ​പ​ക​ൻ മാ​ട്ട​ര ബ​ഷീ​റിന്റെ വീ​ട്ടി​ലാ​യി​രു​ന്നു മോ​ഷ​ണം നടത്തിയത്. ബ​ഷീ​ർ ഒ​രു മാ​സ​ത്തോ​ള​മാ​യി ബം​ഗ​ളൂ​രു​വി​ൽ മ​കനൊപ്പമായിരുന്നു താ​മ​സം.

Read Also: തിരുവനന്തപുരത്ത് മകൻ അച്ഛനെ അടിച്ചു കൊലപ്പെടുത്തി

പ്ര​തി​ക​ൾ വീ​ട്ടി​ലെ​ത്തി പ്ര​ധാ​ന വാ​തി​ൽ ത​ക​ർ​ത്ത് അ​ക​ത്ത് ക​യ​റി​യെ​ങ്കി​ലും വി​ല പി​ടി​പ്പു​ള്ള വ​സ്​​തു​ക്ക​ൾ ക​ണ്ടെ​ടു​ക്കാ​നാ​വാ​തെ​ ഷെ​ഡി​ൽ നി​ർ​ത്തി​യി​ട്ട കാ​റിന്റെ താ​ക്കോ​ൽ കൈ​വ​ശ​പ്പെ​ടു​ത്തി മ​ട​ങ്ങു​ക​യാ​യി​രു​ന്നു. തുടർന്ന് പ്ര​തി​ക​ൾ പെ​ട്രോ​ളു​മാ​യി തിരികെ എ​ത്തി ഷെ​ഡി​ലു​ള്ള കാ​ർ കൊ​ണ്ടു​പോ​കാ​ൻ ശ്ര​മി​ച്ചെ​ങ്കി​ലും കാ​റി​ൽ ​നി​ന്നു​ണ്ടാ​യ ശ​ബ്​​ദം​കേ​ട്ട്​ അ​ടു​ത്ത വീ​ട്ടു​കാ​ർ ഉ​ണ​ർ​ന്ന​തോ​ടെ ഓ​ടി​ര​ക്ഷ​പ്പെ​ടു​ക​യാ​യി​രു​ന്നു.

അ​ടു​ത്ത ദി​വ​സം വി​ട്ടു​ജോ​ലി​ക്കാ​രി എ​ത്തി​യ​പ്പോ​ഴാ​ണ് മോ​ഷ​ണ​വി​വ​രം പുറത്ത് അ​റി​യു​ന്ന​ത്. ബ​ന്ധു​ക്കളെ വി​വ​രം അ​റി​യി​ച്ച​തി​നെ തു​ട​ർ​ന്ന് അ​വ​ർ പൊ​ലീ​സി​ൽ പ​രാ​തി ന​ൽ​കുകയായിരുന്നു. പി​ടി​യി​ലാ​യ പ്ര​തി ച​ന്ദ്ര​നെ​തി​രെ മൂ​ന്ന് സം​സ്ഥാ​ന​ങ്ങ​ളി​ലാ​യി 30ല​ധി​കം കേ​സു​ക​ളു​ള്ള​താ​യി പൊ​ലീ​സ്​ പ​റ​ഞ്ഞു.