റാന്നി: മോഷ്ടിച്ച ബൈക്കുമായി കറങ്ങി നടക്കവെ യുവാവ് അറസ്റ്റിൽ. കല്ലൂപ്പാറ ചെങ്ങരൂര്‍ മൂശാരിക്കവല കൊട്ടകപ്പറമ്പില്‍ മധുവിന്റെ മകന്‍ കെ.എം മനുവാണ്(25) പിടിയിലായത്. റാന്നി പൊലീസ് ആണ് അറസ്റ്റ് ചെയ്തത്.
തിരുവല്ല ടൗണിലെ പാര്‍ക്കിങ് സ്ഥലത്ത് സൂക്ഷിച്ച ബൈക്ക് ആണ് മോഷ്ടിച്ചത്. തുടർന്ന് ബൈക്കിന്റെ കളര്‍മാറ്റി ഉപയോഗിച്ചു വരികയായിരുന്നു. രഹസ്യവിവരം ലഭിച്ചതിന്റെ അടിസ്ഥാനത്തില്‍ ആണ് പൊലീസ് പ്രതിയെ പിടികൂടിയത്. തിരുവല്ല പൊലീസ് എടുത്ത കേസിലാണ് അറസ്റ്റ്.
Read Also: രാമച്ചിയില് മേയാന് വിട്ട പോത്തിനെ കടുവ കടിച്ചുകൊന്നു : കാമറകള് സ്ഥാപിച്ച് വനംവകുപ്പ്
കേസിലെ രണ്ടാംപ്രതിയാണ് മല്ലപ്പള്ളി ചെങ്കല്ല് സ്വദേശി ശംഭു. പ്രതി മൂന്നുവര്‍ഷം മുമ്പ് ജയില്‍ ശിക്ഷ അനുഭവിച്ചിട്ടുള്ളയാളാണെന്ന് പൊലീസ് അറിയിച്ചു. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.
Post Your Comments