ഭാ​ര്യ​യു​ടെ പേ​രി​ൽ ഫേ​സ്ബു​ക്ക് ചാറ്റ് ചെയ്ത് യു​വാ​വി​നെ ത​ട്ടി​ക്കൊ​ണ്ടു​പോ​യി മോഷണം: മു​ഖ്യ​പ്ര​തി അ​റ​സ്​​റ്റിൽ

തി​രു​വ​ന​ന്ത​പു​രം: യു​വാ​വി​നെ ത​ട്ടി​ക്കൊ​ണ്ടു​പോ​യി പ​ണ​വും സ്വ​ർ​ണ​വും ക​വ​ർ​ന്ന കേ​സി​ലെ മു​ഖ്യ​പ്ര​തി​ അറസ്റ്റിൽ. മ​ണ​ക്കാ​ട് ക​ളി​പ്പാ​ൻ​കു​ളം കാ​ർ​ത്തി​ക ന​ഗ​റി​ൽ വി​ഷ്ണു​രാ​ജാ​ണ്​ (25) പിടിയിലായത്. ഫോ​ർ​ട്ട് പൊ​ലീ​സ് ആണ് പ്രതിയെ അ​റ​സ്​​റ്റ്​ ചെ​യ്ത​ത്.

ഭാ​ര്യ​യു​ടെ പേ​രി​ൽ വ്യാ​ജ ഫേ​സ്ബു​ക്ക് ഐ.​ഡി നി​ർ​മി​ച്ച്​ നെ​ടു​മ​ങ്ങാ​ട് സ്വ​ദേ​ശി​യാ​യ യു​വാ​വു​മാ​യി ചാ​റ്റ് ചെ​യ്ത് ആ​റ്റു​കാ​ൽ പാ​ർ​ക്കി​ങ്​ ഗ്രൗ​ണ്ടി​ൽ എ​ത്തി​ച്ച്​ അ​വി​ടെ ​നി​ന്ന്​ ഐ​രാ​ണി​മു​ട്ടം ഹോ​മി​യോ കോ​ള​ജ് ഗ്രൗ​ണ്ടി​ൽ കൊ​ണ്ടു​പോ​യി മ​ർ​ദി​ച്ച് പ​ണ​വും സ്വ​ർ​ണ​വും വാ​ഹ​ന​ത്തിന്റെ ആ​ർ.​സി ബു​ക്കും തട്ടിയെടുക്കുകയായിരുന്നു.

Read Also : ശക്തമായ മഴയും കാറ്റും : വീട് തകർന്നു

സം​ഭ​വ​ത്തി​നു​ശേ​ഷം അ​ടി​മ​ല​ത്തു​റ ക​ട​പ്പു​റ​ത്ത്​ ഒ​ളി​വി​ൽ ക​ഴി​യ​വെ ഫോ​ർ​ട്ട് പൊ​ലീ​സ് അ​സി​സ്​​റ്റ​ൻ​റ്​ ക​മീ​ഷ​ണ​ർ എ​സ്. ഷാ​ജി​ക്ക് ല​ഭി​ച്ച ര​ഹ​സ്യ​വി​വ​ര​ത്തിന്റെ അ​ടി​സ്ഥാ​ന​ത്തി​ൽ ആണ് പ്രതിയെ അ​റ​സ്​​റ്റ്​ ചെ​യ്തത്. കേ​സി​ലെ ര​ണ്ടും മൂ​ന്നും നാ​ലും ആ​റും പ്ര​തി​ക​ളെ ഫോ​ർ​ട്ട് പൊ​ലീ​സ് നേ​ര​ത്തേ അ​റ​സ്​​റ്റ്​ ചെ​യ്തി​രു​ന്നു. കേ​സി​ൽ അ​ഞ്ചാം പ്ര​തി​യെ​ക്കൂ​ടി പിടികൂടാനുണ്ട്.

ഫോ​ർ​ട്ട് എ​സ്.​എ​ച്ച്.​ഒ ജെ. ​രാ​കേ​ഷ്, എ​സ്.​ഐ​മാ​രാ​യ സ​ജു എ​ബ്ര​ഹാം, ദി​നേ​ഷ്, സി.​പി.​ഒ​മാ​രാ​യ ബി​നു, പ്ര​ഫ​ൽ, സാ​ബു, വി​നോ​ദ് എ​ന്നി​വ​രും അ​ന്വേ​ഷ​ണ സം​ഘ​ത്തി​ലു​ണ്ടാ​യി​രു​ന്നു. കോ​ട​തി​യി​ൽ ഹാ​ജ​രാ​ക്കി​യ പ്ര​തി​യെ റി​മാ​ൻ​ഡ്​​ ചെ​യ്തു.