ജ്യൂസിൽ ലഹരിമരുന്ന് കലർത്തി നൽകി പീഡനം : പ്രതിക്ക് 12 വര്‍ഷം തടവും 30,000 രൂ​പ പി​ഴ​യും വിധിച്ച് കോടതി

തൃ​ശൂ​ർ: ജ്യൂസിൽ ലഹരിമരുന്ന് കലർത്തി പീ​ഡി​പ്പി​ച്ച കേ​സി​ൽ പ്ര​തി​ക്ക് 12 വ​ർ​ഷം ത​ട​വും 30,000 രൂ​പ പി​ഴ​യും ശി​ക്ഷ വിധിച്ച് കോടതി. പീ​ച്ചി പ​ട്ടി​ക്കാ​ട് വാ​ക്ക​ത്ത് വീ​ട്ടി​ല്‍ ഷൈ​നി​നെ​യാ​ണ്​ (33) തൃ​ശൂ​ർ ഒ​ന്നാം അ​ഡീ​ഷ​ന​ല്‍ അ​സി​സ്​​റ്റ​ൻ​റ്​ സെ​ഷ​ന്‍സ് ജ​ഡ്ജി സി.​എ​സ്. അ​മ്പി​ളി ശി​ക്ഷി​ച്ച​ത്.

മ​യ​ക്കു​മ​രു​ന്ന് ചേ​ര്‍ത്ത ജ്യൂ​സ് ന​ല്‍കി വി​ജ​ന​മാ​യ പ​റ​മ്പി​ല്‍ കൊ​ണ്ടു​പോ​യി യു​വ​തി​യെ ലൈം​ഗി​ക​മാ​യി പീഡിപ്പിച്ച കേസിലാണ് ഷൈ​നി​നെ​ കോടതി ശിക്ഷിച്ചത്. പി​ഴ​യ​ട​ച്ചി​ല്ലെ​ങ്കി​ല്‍ നാ​ലു​മാ​സം അ​ധി​ക​ ത​ട​വ് അ​നു​ഭ​വി​ക്ക​ണം.

2011 ഡി​സം​ബ​ര്‍ 24ന് ​വൈ​കീ​ട്ടാ​ണ് കേ​സി​നാ​സ്പ​ദ​മാ​യ സം​ഭ​വം. തൃ​ശൂ​രി​ലെ സ്വ​കാ​ര്യ സ്ഥാ​പ​ന​ത്തി​ല്‍ ജോ​ലി ചെ​യ്യു​ക​യാ​യി​രു​ന്ന യു​വ​തി വീ​ട്ടി​ലേ​ക്ക് ബ​സ് ക​യ​റാ​ന്‍ ശ​ക്ത​ന്‍ ത​മ്പു​രാ​ന്‍ ന​ഗ​ര്‍ ബ​സ് സ്​​റ്റാ​ന്‍ഡി​ല്‍ നിൽക്കുമ്പോ​​ള്‍ പ​രി​ച​യ​ക്കാ​ര​നും ഓ​ട്ടോ ഡ്രൈ​വ​റു​മാ​യി​രു​ന്ന പ്ര​തി ഓ​ട്ടോ​യി​ല്‍ ക​യ​റ്റു​ക​യും ക്ഷീ​ണം മാ​റു​മെ​ന്ന് പ​റ‍ഞ്ഞ് കൈയി​ലു​ണ്ടാ​യി​രു​ന്ന മാം​ഗോ ജ്യൂ​സി​ല്‍ മ​യ​ക്കു​മ​രു​ന്ന് ക​ല​ര്‍ത്തി കു​ടി​പ്പി​ക്കു​ക​യു​മാ​യി​രു​ന്നു. തുടർന്ന് ഓ​ട്ടോ​ക്കു​ള്ളി​ല്‍ മ​യ​ങ്ങി വീ​ണ യു​വ​തി​യെ വി​ജ​ന​മാ​യ സ്ഥ​ല​ത്ത് കൊ​ണ്ടു​പോ​യി പീ​ഡി​പ്പി​ക്കു​ക​യാ​യി​രു​ന്നു. വീ​ട്ടി​ലെ​ത്തി​യ യു​വ​തി വി​വ​ര​ങ്ങ​ള്‍ പ​റ​യു​ക​യും പൊ​ലീ​സി​ൽ പരാതിപ്പെടുകയുമായിരുന്നു.

Read Also : അമിതമായ ഉറക്കത്തിനും ക്ഷീണത്തിനും കാരണം ഈ രോ​ഗം ആകാം

പീ​ച്ചി സ​ബ് ഇ​ന്‍സ്പെ​ക്ട​റാ​യ വി.​എ. ഡേ​വി​സ് ര​ജി​സ്​​റ്റ​ര്‍ ചെ​യ്​​ത കേ​സി​ൽ ഒ​ല്ലൂ​ര്‍ സ​ര്‍ക്കി​ള്‍ ഇ​ന്‍സ്പെ​ക്ട​റാ​യി​രു​ന്ന എം.​കെ. കൃ​ഷ്ണ​നാ​ണ് കേ​സി​ല്‍ അ​ന്വേ​ഷ​ണം ന​ട​ത്തി കു​റ്റ​പ​ത്രം സ​മ​ര്‍പ്പി​ച്ച​ത്.

സ്ത്രീ​ക​ള്‍ക്കെ​തി​രെ​യു​ള്ള അ​തി​ക്ര​മ​ങ്ങ​ള്‍ വ​ർ​ധി​ച്ചു ​വ​രു​ന്ന ഈ ​കാ​ല​യ​ള​വി​ല്‍ സ​മൂ​ഹ​ത്തി​ന് മാ​തൃ​ക​യാ​കു​ന്ന വി​ധ​ത്തി​ല്‍ പ്ര​തി​ക്ക് പ​ര​മാ​വ​ധി ശി​ക്ഷ ന​ല്‍ക​ണ​മെ​ന്നു​ള്ള പ്രോ​സി​ക്യൂ​ഷ​നു​വേ​ണ്ടി ഹാ​ജ​രാ​യ പ​ബ്ലി​ക് പ്രോ​സി​ക്യൂ​ട്ട​റിന്റെ വാ​ദ​ങ്ങ​ള്‍ പ​രി​ഗ​ണി​ച്ചാ​ണ് കോ​ട​തിയുടെ വി​ധി പ്ര​സ്താ​വം.