ജി​ല്ല​യി​ൽ കു​മ​ര​ക​ത്തും പ​ക്ഷി​പ്പ​നി : കൊന്നൊടുക്കുന്നത് നാലായിരത്തോളം താ​റാ​വുകളെ

കോ​ട്ട​യം: ജി​ല്ല​യി​ൽ കു​മ​ര​ക​ത്തും പ​ക്ഷി​പ്പ​നി സ്ഥി​രീ​ക​രി​ച്ച​താ​യി ക​ല​ക്ട​ർ ഡോ. ​പി.​കെ. ജ​യ​ശ്രീ അ​റി​യി​ച്ചു. കു​മ​ര​ക​ത്ത് ര​ണ്ടാം വാ​ർ​ഡി​ലെ ബാ​ങ്കു​പ​ടി പ്ര​ദേ​ശ​ത്തെ ര​ണ്ടി​ട​ത്തെ താ​റാ​വു​ക​ളി​ൽ ​നി​ന്ന് ശേ​ഖ​രി​ച്ച് ഭോ​പാ​ലി​ലെ നാ​ഷ​ന​ൽ ഇ​ൻ​സ്​​റ്റി​റ്റ്യൂ​ട്ട് ഓ​ഫ് ഹൈ​സെ​ക്യൂ​രി​റ്റി ആ​നി​മ​ൽ ഡി​സീ​സ​സ് ലാ​ബി​ൽ അ​യ​ച്ച ര​ണ്ട്​ സാം​പി​ളിന്റെ പ​രി​ശോ​ധ​ന​യി​ലാ​ണ് പ​ക്ഷി​പ്പ​നി സ്ഥി​രീ​ക​രി​ച്ച​ത്.

പ​ക്ഷി​പ്പ​നി സ്ഥി​രീ​ക​രി​ച്ച സ്ഥ​ല​ങ്ങ​ളി​ലെ ഒ​രു കി.​മീ. ചു​റ്റ​ള​വി​ലു​ള്ള പ​ക്ഷി​ക​ളെ കൊ​ന്ന് സം​സ്ക​രി​ക്കു​ന്ന ന​ട​പ​ടി പുരോ​ഗമിക്കുകയാണ്. നാലായിരത്തോളം താ​റാ​വുകളെയാണ് കൊ​ന്ന് സം​സ്ക​രി​ക്കുന്നത്. ക​ല​ക്ട​റുടെ നിർദ്ദേശപ്രകാരം മൃ​ഗ​സം​ര​ക്ഷ​ണ വ​കു​പ്പും പ​ഞ്ചാ​യ​ത്തും പൊ​ലീ​സും ചേർന്നാണ് നടപടികൾ ഏകപിപ്പിക്കുന്നത്.

Read Also : ഏറ്റുമാനൂരിലെ ഹോട്ടലുകളിൽ മിന്നൽ പരിശോധന : എട്ട് ഹോട്ടലില്‍ നിന്ന് പഴകിയ ഭക്ഷണം പിടിച്ചെടുത്തു

അതേസമയം പ​ക്ഷി​പ്പ​നി സ്ഥി​രീ​ക​രി​ച്ച വെ​ച്ചൂ​ർ പ​ഞ്ചാ​യ​ത്തി​ലെ നാ​ല്, അ​ഞ്ച് വാ​ർ​ഡു​ക​ളി​ലെ ക​ട്ട​മ​ട പ്ര​ദേ​ശ​ത്ത് വ്യാ​ഴാ​ഴ്​​ച 5708 താ​റാ​വു​ക​ളെ​ക്കൂ​ടി കൊ​ന്ന് സം​സ്‌​ക​രി​ച്ചു. കു​ട​വെ​ച്ചൂ​ർ അ​ഭി​ജി​ത്ത് ഭ​വ​നി​ൽ മ​ദ​നന്റെയും(3000), ഒ​റ്റി​യാ​നി​ച്ചി​റ സു​രേ​ഷ് കു​മാ​റിന്റെയും(425), മൂ​ല​ശ്ശേ​രി സു​നി​മോന്റെ​യും(1500), മി​ത്രം​പ​ള്ളി ബൈ​ജു​വിന്റെ​യും (783) താ​റാ​വു​ക​ളെ​യാ​ണ് ദ്രു​ത​ക​ർ​മ സേ​ന കൊ​ന്ന് സം​സ്‌​ക​രി​ച്ച​ത്.