ദില്ലി: അഴിമതിക്കാരുടെ പിന്നോക്ക രാജ്യമായിരുന്ന ഇന്ത്യയെ മുന്നിലേക്ക് നയിച്ചത് പ്രധാന മന്ത്രി നരേന്ദ്ര മോദിയാണെന്ന് ജെ.പി.നഡ്ഡ. പ്രധാനമന്ത്രി നരേന്ദ്ര മോദി അന്താരാഷ്ട്ര വിഷയങ്ങളേക്കുറിച്ച്‌ ചര്‍ച്ച ചെയ്യുമ്പോള്‍ ലോകം ഉറ്റുനോക്കുകയാണെന്നും, മോദി ജനാധിപത്യത്തിന്‍റെ പ്രവര്‍ത്തന ശൈലി മാറ്റിയെന്നും ബിജെപി ദേശീയ അധ്യക്ഷന്‍ പറഞ്ഞു.
‘ജനാധിപത്യത്തിന്‍റെ പ്രവര്‍ത്തന ശൈലിയില്‍ നിലവില്‍ മാറ്റമുണ്ട്. ഈ മാറ്റം സംഭവിച്ചത് പ്രധാനമന്ത്രി നരേന്ദ്ര മോദി മൂലമാണെന്ന് നിങ്ങള്‍ മനസിലാക്കണം. മോദി പ്രധാനമന്ത്രിയായി വന്നതോടെ ജനങ്ങളുടെ ആശങ്കകളിലേക്കും ക്ഷേമത്തിലേക്കും ശ്രദ്ധ തിരിച്ചു. നമ്മെ അഴിമതിക്കാരുടെ ഒരു പിന്നാക്ക രാജ്യമായിട്ടാണ് കണക്കാക്കിയിരുന്നത്. അതില്‍ നിന്നാണ് നാം ഈ നിലയിലേക്കെത്തിയിരിക്കുന്നത്’, ജെ.പി.നഡ്ഡ പറഞ്ഞു.
Post Your Comments